ԵՊՀ-ն աջակցելու է Մոնթե Մելքոնյանի անվան ռազմամարզական վարժարանի կրթության որակի բարձրացմանը

Հաստատված համագործակցության շրջանակում երկու կառույցները կփոխանակվեն լավագույն փորձով և կկատարեն փոխադարձ այցելություններ։

Վարժարանի ուսուցիչները, ըստ իրենց մասնագիտական ուղղվածության, կմասնակցեն ԵՊՀ-ի կազմակերպած կրթական, գիտական կոնֆերանսներին, աշխատաժողովներին, սեմինարներին և այլ միջոցառումներին։

Անհրաժեշտության դեպքում կողմերը միմյանց կտրամադրեն խորհրդատվություններ։

Երկու կառույցների ղեկավարները, կարևորելով համագործակցությունը, հույս հայտնեցին, որ այն չի սահմանափակվի հուշագրով սահմանված դրույթներով, այլ կընդլայնվի՝ նպաստելով դրանց զարգացմանն ու առաջընթացին։