Մարդու իրավունքների ոլորտի և կլինիկական իրավական կրթության զարգացման նոր հնարավորություններ․ ստորագրվել է փոխըմբռնման հուշագիր

Հուշագրի համաձայն՝ կողմերը նպատակ ունեն համատեղ ջանքերի ու ռեսուրսների միջոցով զարգացնելու մարդու իրավունքների ոլորտում կրթությունը և կարողությունները՝ կազմակերպելով աշխատարաններ, սեմինարներ, կոնֆերանսներ և փոխանակման ծրագրեր։

Բացի դրանից՝ նախատեսվում է աջակցել հետազոտական նախաձեռնությունների և ուսանողների ու դասախոսների փոխանակման ծրագրերի իրականացմանը՝ նպաստելով կրթական գործընթացների հարստացմանը և միջազգային փորձի կիրառմանը։

Հուշագիրը ստորագրել են ԵՊՀ ռեկտորի պարտականությունների ժամանակավոր կատարող Էլինա Ասրիյանը, ՌՎԻ գործադիր տնօրեն Պիտեր Լունդբերգը, ԵՊՀ իրավագիտության ֆակուլտետի դեկան Հարություն Խաչիկյանը և եվրոպական ուսումնասիրությունների կենտրոնի տնօրեն Վլադիմիր Մարտիրոսյանը։