Պարգևներ ԵՊՀ ռեկտորին և Տնտեսագիտության և կառավարման ֆակուլտետի դեկանին

Մեդալները Հովհաննես Հովհաննիսյանին և Կառլեն Խաչատրյանին փոխանցել է Լոմոնոսովի անվան Մոսկվայի պետական համալսարանի մոսկովյան տնտեսագիտական դպրոցի դոցենտ, տնտեսագիտության թեկնածու Ինեսա Ավանեսովան, որը ԵՊՀ-ում է՝ մասնակցելու «Փոխակերպվող տնտեսություն. թվային տեխնոլոգիա, տարածական անհամամասնություններ և կյանքի որակ» խորագրով միջազգային եռօրյա գիտաժողովին՝ նվիրված ֆակուլտետի հիմնադրման 90-ամյակին:

Բացի դրանից՝ Ի․ Ավանեսովան ԵՊՀ ռեկտորին է փոխանցել Մոսկվայի պետական համալսարանի ռեկտոր Վիկտոր Սադովնիչիի «Педагогические заметки о современном образовании» գիրքը:

Հանդիպման ընթացքում քննարկվել են նաև երկկողմ համագործակցության ընդլայնման ու խորացման հեռանկարներն ու հնարավորությունները, ինչպես նաև առաջիկա անելիքներն ու ծրագրերը։