ՏՈՆԱԿԱՆ ՀԱՄԵՐԳ՝ ՆՎԻՐՎԱԾ ԵՊՀ ՈՒԽ ՀԻՄՆԱԴՐՄԱՆ 25-ԱՄՅԱԿԻՆ
ԵՊՀ մշակույթի կենտրոնի դահլիճում այսօր տեղի ունեցավ համերգ՝ նվիրված ԵՊՀ ՈՒԽ հիմնադրման 25-ամյակին:
![Acoustic-concert-dedicated-to-SC-25](/sites/default/files/styles/large_slide/public/migrated/images/IiZt4Wi3bPE0k39FuFzqXba1PL.jpg?h=bccd1fa5&itok=vuukfvjc)
Միջոցառումը կազմակերպել էր ԵՊՀ ՈՒԽ մշակույթի հանձնաժողովը:
ԵՊՀ ուսանողները հավաքվել էին նշելու ՈՒԽ հիմնադրման 25-ամյակը և ունկնդրելու տաղանդավոր ուսանողների՝ ԵՊՀ ՈՒԽ մշակույթի հանձնաժողովի փոխնախագահ Արտյոմ Դադունցի և Միջազգային հարաբերությունների ֆակուլտետի ուսանողուհի Մարիամ Ադամյանի կատարումները:
ԵՊՀ ՈՒԽ նախագահ Դավիթ Ափոյանի խոսքով, ՈւԽ-ն ինքնադրսևորման լավագույն հարթակ է, որը հնարավորություն է տալիս տաղանդաշատ ուսանողներին փորձելու իրենց ուժերը. «Ես շատ ուրախ եմ, որ Արտյոմը և Մարիամը ծանոթացել են հենց ՈւԽ-ում, և այսօր իրենց կատարումներով նոր շունչ ու որակ են տալիս երգարվեստին»:
Անգին Խաչատրյան