ՄԱՅԻՍՅԱՆ ԵՌԱՏՈՆԻՆ ՆՎԻՐՎԱԾ ՀԻՇԱՏԱԿԻ ԱՐԱՐՈՂՈՒԹՅՈՒՆ ԵՊՀ-ՈՒՄ
Մայիսի 9-ը համաժողովրդական եռատոն է: Այդ օրը նշվում են Հայրենական պատերազմում Խորհրդային Միության հաղթանակի, Շուշիի ազատագրման և Արցախի պաշտպանության բանակի ստեղծման տարեդարձերը:
![Celebrating-the-Day-of-Victory-at-YSU](/sites/default/files/styles/large_slide/public/migrated/images/h6zUv0WYx2WiqxUwXcqvEoKLjD.jpg?h=bccd1fa5&itok=X1hsHqH1)
Մայիսը հայ ազգի համար խորհրդանշում է որպես հաղթանակների և ցնծությունների ամիս: Մայիսի 9-ը յուրաքանչյուր հայի համար սովորական ամսաթիվ կամ տոն չէ: Այն լուսավոր ապագայի կերտման խորհրդանիշ է, որ կրում է «Եռատոն» անունը:
Ավանդույթի համաձայն՝ մայիսյան տոնակատարություններից անմասն չի մնում նաև համալսարանը: ԵՊՀ ռեկտորի ժ.պ. Գեղամ Գևորգյանը, պրոռեկտորները, ֆակուլտետների դեկաններ և պրոֆեսորադասախոսական կազմի ներկայացուցիչներ այս տարի նույնպես ծաղկեպսակներ և ծաղիկներ են դրել ԵՊՀ տարածքում գտնվող Հայրենական մեծ պատերազմին և Արցախյան գոյամարտին նվիրված հուշակոթողներին՝ հարգանքի տուրք մատուցելով զոհերի հիշատակին:
Քնար Միսակյան