ՊԱՐԶԱԲԱՆՈՒՄ

1. Աշխատանքային պայմանագրերի կնքման գործընթացի վերաբերյալ մանրամասն պարզաբանում ներկայացվել է համալսարանի պաշտոնական կայքէջում, ինչի պատճառով կրկին չենք անդրադառնում այդ հարցին:

2. ԵՊՀ-ում հիդրոտարայի մոնտաժման աշխատանքների մրցույթը հրապարակվել է հրատապ գնման ընթացակարգով՝ 2019 թ. հուլիսի 10-ին՝ www.armeps.am և www.gnumner.am կայքերում: Քանի որ հայտերը ներկայացվել են էլեկտրոնային համակարգով, հետևաբար նախապես հնարավոր չէ կանխատեսել, թե որ կազմակերպությունն է հաղթելու: Մրցույթի հայտերը բացվել են 15.07.2019 թ.:

16.07.2019 թ. www.gnumner.am կայքում տեղադրվել է մրցույթի արձանագրությունը:

22.07.2019 թ. www.gnumner.am կայքում տեղադրվել է պայմանագիրը կնքելու մասին որոշումը:

26.07.2019 թ. կայքում հրապարակվել է կնքված պայմանագրի մասին հայտարարությունը:

3. «Հյուր Սերվիս» ընկերության հետ կնքված պայմանագրով նախատեսված է ԵՊՀ հիմնադրման 100-ամյակին նվիրված միջոցառումների շրջանակում արտասահմանից ժամանած հյուրերի ուղևորության կազմակերպում Գառնի և Գեղարդ ուղղությամբ, զբոսավարի ծառայությունների մատուցում, ճաշի կազմակերպում (50 անձի համար), այցելություն Երևանի «Նոյ» գինու, օղու, կոնյակի գործարան (50 անձի համար):

4. ԵՊՀ հոգաբարձուների խորհրդի նախագահի և ԵՊՀ գնումների վարչության պետի միջև ազգակցական կամ բարեկամական որևէ կապ չկա:

«ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆ» ՀԻՄՆԱԴՐԱՄ