ԵՊՀ-ում հայցորդության ձևակերպումը կատարվում է ՀՀ Կառավարության՝ 2016 թ․ փետրվարի 25-ի N238-Ն որոշմամբ հաստատված «ՀՀ-ում ասպիրանտուրայի ընդունելության և ուսուցման, դոկտորանտուրայի և հայցորդության ձևակերպման կարգի» համաձայն և կազմակերպվում է տարեկան երկու անգամ՝ հունվարի 11-30-ը և սեպտեմբերի 1-20-ը:
Հայցորդության տևողությունը չի գերազանցում 5 տարին, և ԵՊՀ-ում այն իրականացվում է վճարովի հիմունքով:
ԵՊՀ-ն հայտարարում է 2025-2026 ուսումնական տարվա հայցորդների ընդունելություն:
Հայցորդության տևողությունը չի գերազանցում 5 տարին և ԵՊՀ-ում այն իրականացվում է վճարովի հիմունքներով: Ուսման տարեկան վարձավճարը կազմում է 500 000 ՀՀ դրամ, իսկ ԵՊՀ հիմնական աշխատակիցների համար՝ 250 000 ՀՀ դրամ:
Անհրաժեշտ փաստաթղթերը պետք է ներկայացնել 2025 թ․ հունվարի 13-ից 30-ը ներառյալ:
Հայցորդության համար օտար լեզվի քննության անցկացման ձևաչափին և ներկայացվող պահանջներին (օտարալեզու մասնագիտական աղբյուրի մասին ռեֆերատի պատրաստում և մասնագիտական եզրաբանական բառարանի կազմում) մանրամասն ծանոթանալու համար անհրաժեշտ է նախապես դիմել ԵՊՀ եվրոպական լեզուների և հաղորդակցության ֆակուլտետի դեկանին՝ անկախ նրանից, թե երբ են ներկայացվելու հայցորդության ձևակերպման համար պահանջվող փաստաթղթերը:
*Դիմորդի կողմից ներկայացված դիպլոմի իսկությունը պարզելու նպատակով ԴԿԿ տնօրենն իրավասու է ըստ անհրաժեշտության դիմորդից պահանջելու «Ակադեմիական փոխճանաչման և շարժունության ազգային տեղեկատվական կենտրոնից» տեղեկանք՝ դիպլոմի իսկության մասին:
Արտասահմանյան բուհի դիպլոմ ներկայացնելու դեպքում դիմորդը դիպլոմի հետ պետք է ներկայացնի նաև «Ակադեմիական փոխճանաչման և շարժունության ազգային տեղեկատվական կենտրոնից» տեղեկանք՝ դիպլոմի համարժեքության մասին:
Հայցորդ ձևակերպվելու համար նախատեսված օտար լեզուների (անգլերեն, ֆրանսերեն կամ գերմաներեն) քննությունների ժամանակացույցը՝ այստեղ:
Քննությանն անհրաժեշտ է ներկայանալ անձը հաստատող փաստաթղթով:
