Գենոմային անկայունության և մոլեկուլային մուտագենեզի խումբ

Խմբի գլխավոր նպատակն է ուսումնասիրել շրջակա միջավայրի քիմիական, ֆիզիկական և կենսաբանական գենաթունային գործոններով մակածված էֆեկտներն ու մշակել դրանց նոր մոլեկուլային կենսամարկերներ՝ in vitro և in vivo: Այդ նպատակով կիրառվում են ինչպես դասական գենաթունաբանության (օրինակ՝ ԴՆԹ-կոմետ մեթոդ, միկրոկորիզային թեստ), այնպես էլ մոլեկուլային բջջագենետիկայի (ֆլյուորեսցենտ in situ հիբրիդիզացիա` FISH, pod-FISH, Q-FISH) և մոլեկուլային գենետիկայի մեթոդներ (ՊՇՌ, իժՊՇՌ, սեքվենավորում)։ Նաև կիրառվում է գենոմի խմբագրման CRISPR-Cas9 մեթոդը։ 

Որպես գենոմի անկայունության կենսամարկերներ ուսումնասիրվում են ԴՆԹ-ի և քրոմոսոմների վնասվածքների մակարդակները, ԴՆԹ-ի օքսիդացած հիմքերի քանակը, թելոմերների չափի փոփոխությունները, քրոմոսոմներում մտԴՆԹ-ի ներկառուցումները, արտաբջջային կորիզային և միտոքոնդրիումային ԴՆԹ-ի մակարդակները և ԴՆԹ-ի ռեպարացիայի ու բջջային ցիկլի կարգավորմանը մասնակցող տարբեր գեների մուտացիաները։ Կիրառվում են մարդու առողջ և քաղցկեղային բջջային կուլտուրաներ (գլխավորապես 2D) ու տարբեր հիվանդներից ստացված կենսաբանական նմուշներ կամ բջիջներ։ 

Լաբորատորիան հագեցած է բջջային կուլտուրաների հետ աշխատելու համար նախատեսված լամինար պահարանով ու թերմոստատով, ֆլյուորեսցենտային մանրադիտակներով և պատկերների վերլուծության համակարգերով, ՊՇՌ և իժՊՇՌ ամպլիֆիկատորներով, ցենտրիֆուգներով և անհրաժեշտ այլ սարքերով։ 

Խումբը համագործակցում է պետական և արտասահմանյան տարբեր գործընկերների հետ։ Խմբի հետազոտական աշխատանքների արդյունքները տպագրվում են միջազգային գրախոսվող հանդեսներում և գրքերում։ Խմբի կողմից կատարվող աշխատանքների հիման վրա պատրսատվում են բակալավրի ավարտական աշխատանքներ, մագիստրոսական թեզեր և ասպիրանտական հետազոտություններ։

Համագործակցություններ 

Գիտական խումբը համագործակցում է հետևյալ հաստատությունների հետ.

• Յենայի (Գերմանիա) Ֆրիդրիխ Շիլլերի համալսարանի մարդու գենետիկայի ինստիտուտ,
• Դուբնայի միջուկային հետազոտությունների միավորված ինստիտուտներ (ՌԴ),
• Ռուսաստանի Դաշնային բժշկակենսաբանական գործակալության Ա. Ի. Բուռնազյանի անվան դաշնային բժշկական կենսաֆիզիկայի ինստիտուտ,
• ՀՀ ԳԱԱ մոլեկուլային կենսաբանության ինստիտուտ,
• «Քենդլ» սինքրոտրոնային հետազոտությունների ինստիտուտ,
• Դավիդյանց լաբորատորիաներ,
• «Ֆերթիլիթի Սենթր» մարդու պտղաբերության կենտրոն:

Աշխատակիցներ

1. Տիգրան Աշոտի Հարությունյան

2. Անժելա Աշոտի Սարգսյան

3. Լիլի Ավետիսի Քալաշյան

4. Հովհաննես Անդրանիկի Իգիթյան