«Էրազմուս+» ծրագրի միջազգային կրեդիտային շարժունություն․ Կոտ դ'Ազուր համալսարան, Ֆրանսիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Կոտ դ'Ազուր համալսարանի (Ֆրանսիա) միջև կնքված պայմանագրով նախատեսվում են  շարժունություններ ԵՊՀ մագիստրատուրայի ուսանողների և ասպիրատների համար` 2025/2026 ուստարվա 1-ին կիսամյակում ուսանելու/հետազոտական աշխատանքեր կատարելու նպատակով: 

Անգլերենի կամ ֆրանսերենի գերազանց  իմացությունը պարտադիր է:

Ծրագիրը դրամաշնորհառուներին տրամադրում է անհատական կրթաթոշակ, ինչպես նաև հոգում է ճանապարհածախսը: Ֆինանսավորման և «Էրազմուս+» միջազգային կրեդիտային շարժունություն ծրագրի մասին ավելի մանրամասն տեղեկություն հնարավոր է գտնել «Էրազմուս+» ազգային գործակալության կայքէջում: 

Ծրագրի դիմումները ընդունվում են էլեկտրոնային տարբերակով (էլհասցե` h.mkrtchyan@ysu.am: Նամակի վերնագրում անհրաժեշտ է նշել Erasmus+, Côte d'Azur):  

Դիմումների ընդունման վերջնաժամկետն է ս․թ. ապրիլի 20-ը՝ ժամը 17:00-ն:

Ստորև ներկացվում է անհրաժեշտ փաստաթղթերի ցանկը ուսանողների համար (փաստաթղթերը ընդունվում են միայն անգլերեն՝ PDF տարբերակով)․

1. անձնագրի պատճեն, 

2. ինքնակենսագրական (CV) Europass ձևաչափով,

3. մոտիվացիոն նամակ, 

4. բակալավրիատի/մագիստրատուրայի դիպլոմի պատճեն,

5. տեղեկանք ԵՊՀ-ում ուսանելու վերաբերյալ,

7. ուսումնառության համաձայնագիր (Learning Agreement for Studies) (ասպիրանտների համար՝ հետազոտական ծրագիր և ընդունող համալսարանից հրավեր-նամակ),

8. անգլերենի/ ֆրանսերենի իմացությունը հաստատող վկայական։

Անգլերեն և ֆրանսերեն դասընթացների ցանկը՝   կից ֆայլերում։