«Հզոր Միտք» ՀԿ-ն իր գործունեությունը պաշտոնապես սկսել է 2019 թ.: Այն, մարզերի երիտասարդների անձնային աճին նպաստելով և համահայկական երիտասարդական հզոր ցանց ստեղծելով, նպատակ ունի ներդրում կատարելու մեր երկրի կայունացման և զարգացման գործում, ինչպես նաև նպաստելու միջմարզային ապակենտրոն կապերի ստեղծմանը ինչպես Հայաստանում, Ջավախքում, Արցախում, այնպես էլ Սփյուռքի հայերի շրջանակում։ Այս մեծ նպատակին հասնելու համար իրականացվում են կրթական, մոտիվացիոն և մարզամետ մի շարք նախագծեր, փորձի փոխանակում երիտասարդների համար, որոնք նպաստում են մարզաբնակ պատանիների անձնային աճին՝ միտված լինելով աջակցելու նաև մարզերի զարգացմանը և առաջխաղացմանը:
«Հզոր միտք» ՀԿ-ն «ԵՊՀ ԲանՈՒԳործ էքսպո-2023»-ի շրջանակում կներկայացնի՝
- մարզերի երիտասարդներին ընձեռվող հնարավորությունները մարզերում («Հզորանոց», «Ճամփորդող գրքեր», վեբինարներ, միջմարզային մեծ միջոցառումներ),
- մարզերի երիտասարդներին ընձեռվող հնարավորությունները Երևանում («Ուսանողի տուն» նախագիծ),
- կազմակերպության թիմին միանալու հնարավորությունները։
Գործընկերոջ մասին առավել մանրամասն տեղեկություններ ստանալու համար այցելե՛ք պաշտոնական կայքէջ՝ www.sites.google.com/view/ttapplications։
Ֆեյսբուքյան էջ՝ www.facebook.com/StorngMinds
