ԵՊՀ գիտական խորհրդի հարգելի՛ անդամներ ու գործընկերներ,
սիրով հրավիրում ենք Ձեզ մասնակցելու մեր սիրելի համալսարանի 104-ամյա հոբելյանին նվիրված նիստին, որը տեղի կունենա ս․թ․ մայիսի 16-ին՝ ժամը 16։00-ին, ԵՊՀ գիտական խորհրդի նիստերի դահլիճում:
Հոբելյանական նիստի ընթացքում կամփոփենք տարվա ձեռքբերումներն ու նվաճումները՝ գերազանցության մրցանակներ հանձնելով տարվա ընթացքում աչքի ընկած մեր գործընկերներին ու միջազգային տարբեր մրցույթներում հաղթանակներ գրանցած ուսանողներին:
ԳԽ նիստը կանցկացվի հետևյալ օրակարգով՝
1. ԵՊՀ ռեկտորի շնորհավորական խոսքը համալսարանի 104-ամյակի և Ուսանողների ու երիտասարդների օրվա առթիվ,
2. շնորհավորական ելույթներ,
3. գերազանցության մրցանակաբաշխություն:
Տոնական ողջ օրվա ընթացքում համալսարանում կանցկացվեն բազմաթիվ հետաքրքիր միջոցառումներ՝ ԵՊՀ պատմական անդրադարձ՝ լուսանկարների ցուցահանդես, «ԲանՈՒգործ. ԵՊՀ էքսպո-2023», գրքերի ներկայացումներ ու հանդիպումներ հեղինակների հետ, տոնական համերգ:
Ակնկալում ենք ձեր մասնակցությունը ԳԽ հոբելյանական նիստին, ինչպես նաև տոնական օրվա ողջ անցուդարձին:
