Սերգեյ Փարաջանովի 100-ամյակին նվիրված միջոցառումների շրջանակում հայտարարվել է երիտասարդ ստեղծագործողների հանրապետական ուսանողական մրցույթ՝ լուսանկարչության, գեղանկարչության, կիրառական արվեստի, ֆոտոկոլաժների, գրական ստեղծագործությունների ուղղություններով:
Մրցույթին մասնակցելու, ինչպես նաև մեծ արվեստագետի կյանքի ու գործունեության, ստեղծագործական ժառանգության մասին առավել լայն պատկերացում կազմելու համար ԵՊՀ Շառլ Ազնավուրի անվան մշակույթի կենտրոնի «Համալսարանական» թատրոն ստուդիայի և երիտասարդ ստեղծագործողների խմբերի սաներն այցելեցին Ս. Փարաջանովի թանգարան և ծանոթացան նրա կենսագրությանը, ստեղծագործություններին, թանգարանում ներկայացված ցուցանմուշներին։
Այցը հետաքրքիր էր և բովանդակալից, որի արդյունքում նախանշվեցին թանգարանի հետ համագործակցային ծրագրի ուղիներ:
