ՇՄԶ դասընթացներ

ԵՊՀ ֆարմացիայի ինստիտուտը դեղագետների և դեղագործների համար պարբերաբար կազմակերպում է Շարունակական մասնագիտական զարգացման (ՇՄԶ) դասընթացներ:

Դասընթացներն ունեն կրեդիտատարողունակություն: Պահանջվող կրեդիտների նվազագույն քանակը ամրագրված է օրենքով. յուրաքանչյուր շրջափուլի (5 տարի) համար դեղագետները պետք է հավաքեն առնվազն 160 ՇՄԶ կրեդիտ, իսկ դեղագործները՝ 100 ՇՄԶ կրեդիտ:

ՀՀ-ում տարբերում են ՇՄԶ կրեդիտների 3 տեսակ՝ տեսական, գործնական և ինքնակրթություն կամ ինքնազարգացման համար շնորհվող կրեդիտներ:

Տեսական կրեդիտները շնորհվում են  տեսական մասնագիտական դասընթացներին (դասախոսություններ) մասնակցության համար, որոնք Ֆարմացիայի ինստիտուտում մեծ մասամբ կազմակերպվում են հեռավար տարբերակով` ZOOM տեսակոնֆերանսի գործիքով:

Գործնական կրեդիտները շնորհվում են գործնական ակտիվություն պարունակող գիտագործնական միջոցառումներին մասնակցելու համար:

Ինքնակրթության, ինքնազարգացման կրեդիտները տրամադրվում են էլեկտրոնային ուսուցողական նյութերի յուրացման և (կամ) դրանց մշակման, ինչպես նաև գիտական աշխատանքների, աշխատությունների հրատարակման համար:

ԵՊՀ ֆարմացիայի ինստիտուտում ՇՄԶ դասընթացները համակարգող,

քիմիական գիտությունների թեկնածու, դոցենտ Տաթևիկ Սարգսյան

Հեռ․՝ (+374 94) 616 163, (+374 55) 717 174
Էլհասցե՝ tatev-sargsyan@ysu.am