Ս.թ. մայիսի 16-ին տեղի ունեցավ «ԲանՈՒԳործ․ ԵՊՀ էքսպո-2023»-ը` նվիրված Երևանի պետական համալսարանի ծննդյան 104-ամյակին։ Մանկավարժության և կրթության զարգացման կենտրոնի տնօրեն, պրոֆեսոր Նազիկ Հարությունյանը և ամբիոնի պրոֆեսորադասախոսական անձնակազմը կենտրոնին հատկացված տաղավարում ներկայացրին բակալավրիատական և մագիստրոսական 4 կրթական ծրագրերը։
ԵՊՀ ռեկտոր Հովհաննես Հովհաննիսյանի ուղեկցությամբ կենտրոնի տաղավարում հյուրընկալվեցին ԿԳՄՍ նախարար Ժաննա Անդրեասյանը, ԱԺ փոխնախագահ Հ. Արշակյանը, ուսանողներ, աշակերտներ և այլ հյուրեր։
Կենտրոնի կրթական ծրագրերով հետաքրքրված անձանց ներկայացվեցին կենտրոնի կողմից առաջարկվող մասնագիտությունների արդիականությունն ու կարևորությունը։
