ԵՊՀ հիմնադրման օրը՝ մայիսի 16-ին, ԵՊՀ-ում անցկացվեց «ԲանՈՒԳործ․ ԵՊՀ էքսպո-2024»-ը, որին մասնակցեց նաև ԵՊՀ մանկավարժության և կրթության զարգացման կենտրոնը։
Կարիերայի տոնավաճառում կենտրոնի պրոֆեսորադասախոսական և ուսանողական անձնակազմը ներկայացել էր կրթական ծրագրերի մասին ֆիլմերով, տեղեկատվական թերթիկներով, սահիկաշարերով, «Կրթությունը 21-րդ դարում» գիտամեթոդական միջազգային գրախոսվող հանդեսով, դասագրքերով։
Կենտրոնի տաղավարում սիրով հյուրընկալվեցին Երևանի, ինչպես նաև տարբեր մարզերի դպրոցների աշակերտներ։
Մասնագիտական կողմնորոշման գործընթացում կարևոր խորհրդատվության, ինչպես նաև սոցիալական մանկավարժի մասնագիտության կարևորությունն ընդգծելու նկատառումով տաղավարում կազմակերպվեցին վարպետաց դասեր. դպրոցականները ծանոթացան սոցիալական մանկավարժի մասնագիտությանը, ինչպես նաև աշխատանքի ընդունման հնարավորություններին, աշխատաշուկայի հիմնական միտումներին:
