ԵՊՀ մանկավարժության և կրթության զարգացման կենտրոնի տնօրեն, պրոֆեսոր Նազիկ Հարությունյանը և Կրթական հետազոտությունների և խորհրդատվությունների կենտրոնի (ԿՀԽԿ) տնօրեն Մարինա Գալստյանը ստորագրեցին համագործակցության հուշագիր։
Կողմերը փոխադարձության սկզբունքով պատրաստակամություն հայտնեցին աջակցելու միմյանց և իրականացնելու փոխշահավետ ծրագրեր՝ համագործակցության շրջանակում վերհանելով և հետազոտելով կրթական հիմնահարցերը։
Մանկավարժության և կրթության կենտրոնի տնօրեն Նազիկ Հարությունյանը փոխճանաչման նպատակով ներկայացրեց կենտրոնի գիտակրթական արդյունավետ գործունեությունը։
ԿՀԽԿ տնօրեն Մարինա Գալստյանը, ներկայացնելով իրենց կենտրոնի գործունեությունը, մեծապես արժևորեց ԵՊՀ մանկավարժության և կրթության զարգացման կենտրոնի հետ համագործակցությունը և համատեղ հետազոտությունների կատարումը։
Ըստ կողմերի միջև պայմանավորվածության՝ կկազմակերպվեն և կանցկացվնեն համաժողովներ, սեմինարներ, կլոր սեղան-քննարկումներ, խորհրդակցություններ և այլ միջոցառումներ, ինչպես նաև կիրականացվեն այլ նախաձեռնություններ ու ծրագրեր։
