Ռադիոֆիզիկա

Ընդունելության պահանջները

Ընդունելությունը կատարվում է՝ համաձայն «ԵՊՀ մագիստրատուրայի ընդունելության կարգի» պահանջների։

Ծրագրի նպատակը

Կրթական ծրագրի նպատակն է պատրաստել ռադիոֆիզիկայի բնագավառում արդի գիտության նվաճումները յուրացրած որակյալ կադրեր՝ ունակ ըմբռնելու դրանց զարգացման հեռանկարները, տալ իմացություն միկրոալիքային և ՏՀց տիրույթում ֆիզիկական խնդիրների համակարգչային մոդելավորման և նախագծման սկզբունքների և դրանց առանձնահատկությունների վերաբերյալ։

Առավելությունները

Այս ծրագրի ավարտին ուսանողն ունակ կլինի.

• տարբերակելու և համակարգելու ԳԲՀ տիրույթի հիմնական հաճախային տիրույթները, ստանդարտները և դրանց նշանակությունը,
• ձևակերպելու ենթամիլիմետրային, տերահերցային և օպտիկական տիրույթներում էլեկտրամագնիսական ալիքների գեներացման, տարածման և դետեկտման առանձնահատկությունները, հիմնախնդիրները,
• բացատրելու տարբեր նյութերի կողմից ռադիոալիքների կլանման և ճառագայթման մեխանիզմները և առանձնահատկությունները, ռադիոտիրույթի աղբյուրների (գեներատորներ, ճառագայթիչ անտենաներ, ռեզոնատորներ և այլն) և ընդունիչների (դիոդներ, ընդունիչ անտենաներ, ալիքատարներ և այլն) գործողության սկզբունքները, տարբեր ալիքի երկարության մազերների և ֆոտոընդունիչների աշխատանքի սկզբունքը և առանձնահատկությունները,
• ներկայացնելու կապի ժամանակակից համակարգերում օգտագործվող և նախատեսվող պրոտոկոլները և ալգորիթմները,
• դասակարգելու ինֆորմացիայի մշակման և հաղորդման տեսական հիմունքները, կոդավորման և մոդուլման եղանակները,
• աշխատելու ռադիոհաճախային տիրույթում հեռազննումն ու հեռակառավարումն իրականացնող սարքերի հետ՝ գիտենալով դրանց գործողության սկզբունքները,
• կիրառելու գիտության և տեխնիկայի տարբեր բնագավառներում էլեկտրամագնիսական ալիքների տերահերցային տիրույթում գործող սարքերը՝ գիտանալով դրանց աշխատանքն ապահովող ֆիզիկական սկզբունքները,

• աշխատելու գիտության, արտադրության, անվտանգության ու ռազմական ոլորտներում կիրառվող ժամանակակից ռադիոֆիզիկական սարքերի հետ,
• գործարկելու ռադիոֆիզիկական խնդիրների համակարգչային նմանակման ժամանակակից համակարգչային ծրագրերը,
• կիրառելու համակարգչային մոդելավորման և նմանակման ծրագրային փաթեթները ԳԲՀ տիրույթի սարքերի արդիական հանգույցների (ալիքատարներ, ռեզոնատորներ, ֆիլտրեր և այլն) նախագծման և պահանջվող պարամետրերի ապահովման հարցերում,
• իրականացնելու նախագծային սարքերում փոխհամաձայնության և համատեղելիության գնահատում,
• օգտագործելու էլեկտրամագնիսական ալիքների տարածման առանձնահատկությունները ռադիո տիրույթում, բարելավելու ռադիոընդունիչների, ճառագայթիչների հիմնական պարամետրերը հեռազննման և հեռակառավարման համակարգերի առանձին հանգույցներում,
• օգտվելով ինֆորմացիայի ժամանակակից աղբյուրներից (տպագիր և առցանց գրականություն)՝ դասակարգելու և վերլուծելու տեղեկատվություն՝ գործնական խնդիրներ ձևակերպելու և գործնական լուծումներ առաջարկելու համար,

• վերլուծելու և ներկայացնելու գիտական հետազոտությունների արդյունքները, պատրաստելու զեկուցումներ և վարելու գիտական սեմինարներ,
• հաջողությամբ ինտեգրվելու և աշխատելու գիտահետազոտական խմբերում, ինչպես նաև ղեկավարելու գիտաարտադրական միավորումները,
• ուղղորդվելու մասնագիտական էթիկայի կանոններով:

Կարիերայի հնարավորությունները

Շրջանավարտները հնարավորություն ունեն կրթությունը շարունակելու ինչպես ինստիտուտի ասպիրանտուրայում, այնպես էլ այլ բուհերի և գիտահետազոտական ինստիտուտների ասպիրանտուրաներում։

Հնարավոր աշխատավայրերն են ՀՀ ԳԱԱ ռադիոֆիզիկայի և էլեկտրոնիկայի, ֆիզիկական հետազոտությունների, Երևանի ֆիզիկայի ինստիտուտները, «Նեյշնլ Ինսթրումենթս» ՓԲԸ-ի հայկական մասնաճյուղը, «ՅԵԱ ինջինիրինգ» ՓԲԸ և այլն։