Սպորտային խմբակներ
ԵՊՀ հրաձգության թիմի մարզիչն է Ֆիզիկական դաստիարակության և սպորտի ամբիոնի վարիչ, պրոֆեսոր, ֆիզիկական կուլտուրայի և սպորտի պատվավոր աշխատող Վլադիմիր Ավագիմյանցը։
Արևելյան բազմաթիվ մարտարվեստներ սովորեցնում են նաև բժշկական գիտություններ։
Խմբակի մարզիչն է Ֆիզիկական դաստիարակության և սպորտի ամբիոնի վարիչ, պրոֆեսոր, ՀՀ սպորտի վարպետ, մարտարվեստի փիլիսոփայական գիտությունների պրոֆեսոր, կարատե և Ջիու-Ջիցու (սև գոտի 8-րդ դան) Վլադիմիր Ավագիմյանցը:
Ուսանողության շրջանում առողջ կենսակերպ արմատավորելու, ուսանողներին մարզական-մասսայական միջոցառումներին ներգրավելու, ինչպես նաև ֆիզիկական կարողությունների կատարելագործմանը և առողջության ամրապնդմանը նպաստելու նպատակով ԵՊՀ-ում գործում են սպորտային կատարելագործման խմբակներ:
ԵՊՀ աթլետիկական կրոսավազք խմբակի մարզիչն է Ֆիզիկական դաստիարակության և սպորտի ամբիոնի պրոֆեսոր, ՀՀ սպորտի վարպետ Հենրիկ Թումանյանը:
ԵՊՀ տղաների թիմը ՀՀ ուսանողական մարզական 23-րդ խաղերում ճանաչվել է բասկետբոլի առաջնության հաղթող։
ԵՊՀ աղջիկների թիմը (3x3) ՀՀ ուսանողական մարզական 24-րդ խաղերում զբաղեցրել է 1-ին հորիզոնականը:
ԵՊՀ բասկետբոլի թիմերի մարզիչներն են Ֆիզիկական դաստիարակության և սպորտի ամբիոնի պրոֆեսոր, ՀՀ սպորտի վարպետ Վլադիմիր Զաքոյանը, ամբիոնի դասախոս, ՀՀ սպորտի վարպետ Լուսինե Մելքոնյանը, ամբիոնի դասախոս, ՀՀ սպորտի վարպետ Նարեկ Ղուկասյանը:
ԵՊՀ-ում գործում է նաև բռնցքամարտի խմբակ։
Խմբակի մարզիչն է Ֆիզիկական դաստիարակության և սպորտի ամբիոնի դասախոս, ՀՀ սպորտի վարպետ Դավիթ Կարապետյանը:
ՀՀ ուսանողական մարզական 23-րդ խաղերի՝ վոլեյբոլի առաջնությունում ԵՊՀ հավաքական թիմը երկրորդ խաղում գրանցել է հաղթանակ։
ԵՊՀ վոլեյբոլի թիմի մարզիչներն են Ֆիզիկական դաստիարակության և սպորտի ամբիոնի դասախոս, ՀՀ սպորտի վարպետ Կարեն Շահբազյանը, ամբիոնի դասախոս, ՀՀ սպորտի վարպետ Երվանդ Զաքարյանը:
Ծանրամարտի խմբակին անդամակցելու համար դիմել ԵՊՀ ֆիզիկական դաստիարակության և սպորտի ամբիոն։
ԵՊՀ ծանրամարտի խմբակի մարզիչներն են Ֆիզիկական դաստիարակության և սպորտի ամբիոնի դոցենտ, ՀՀ սպորտի վարպետ Աշոտ Սարգսյանը, ամբիոնի ասիստենտ, ՀՀ սպորտի վարպետ Հայկ Բաբուրյանը:
ԵՊՀ ուսանողները մասնակցել են Բադմինթոնի ՀՀ առաջնությանը։
ԵՊՀ բադմինթոնի խմբակի մարզիչն է Ֆիզիկական դաստիարակության և սպորտի ամբիոնի դասախոս, ՀՀ սպորտի վարպետ Արսեն Գալոյանը:
ՀՀ ուսանողական մարզական 23-րդ խաղերի շրջանակում կայացավ սեղանի թենիսի՝ աղջիկների առաջնությունը, որին մասնակցություն ունեցան 8 բուհերի թիմեր:
ՀՀ ուսանողական մարզական 24-րդ խաղերում ԵՊՀ աղջիկների թիմը զբաղեցրել է առաջին հորիզոնականը:
ԵՊՀ սեղանի թենիսի խմբակի մարզիչներն են Ֆիզիկական դաստիարակության և սպորտի ամբիոնի՝ արտաքին ժամավճարով մարզիչ, ՀՀ սպորտի վարպետ Արթուր Պողոսյանը, ամբիոնի դասախոս, ՀՀ սպորտի վարպետ Նարեկ Ղուկասյանը, ամբիոնի դասախոսներ, ՀՀ սպորտի վարպետներ Լուսինե Մելքոնյանը, Դիանա Փարվանյանը, Արսեն Գալոյանը, Կարեն Շահբազյանը, Դավիթ Մինասյանը:
2021 թ․ Երևանի պետական համալսարանի Չարենցի անվան դահլիճում տեղի է ունեցել հանդիպում Եվրոպայի չեմպիոններ, Բուդապեշտում ընթացած ազատ ոճի ըմբշամարտի վարկանիշային մրցաշարի ոսկե մեդալակիրներ և Տոկիոյում կայանալիք 32-րդ ամառային օլիմպիական խաղերի ուղեգրեր նվաճած ազատ ոճի ըմբիշներ Արսեն Հարությունյանի և Վազգեն Թևանյանի հետ։
ԵՊՀ ըմբշամարտի խմբակի մարզիչներն են Ֆիզիկական դաստիարակության և սպորտի ամբիոնի դասախոս, ՀՀ սպորտի վարպետ Արարատ Հարությունյանը, ամբիոնի դասախոս, ՀՀ սպորտի վարպետ Դավիթ Մինասյանը:
ԵՊՀ ֆուտբոլի հավաքական թիմը շարունակում է հաղթանակներ գրանցել։
ԵՊՀ ֆուտբոլի թիմի մարզիչն է Ֆիզիկական դաստիարակության և սպորտի ամբիոնի դասախոս, ՀՀ սպորտի վարպետ Սարիբեկ Մուրադյանը:
ԵՊՀ հանդբոլի տղաների թիմը Ուսանողական մարզական խաղերում գրավել է 1-ին տեղը:
ԵՊՀ հանդբոլի թիմի մարզիչն է Ֆիզիկական դաստիարակության և սպորտի ամբիոնի դասախոս, միջազգային կարգի մրցավար, ՀՀ սպորտի վարպետ Արսեն Մխիթարյանը:
ԵՊՀ «Ապառաժ» լեռնագնացության ակումբը 2018 թ․ Ալպինիզմի և լեռնային տուրիզմի հայկական ֆեդերացիայի աջակցությամբ անցկացրել է ժայռամագլցման համահայկական բաց առաջնություն։
Խմբակի մարզիչն է Ֆիզիկական դաստիարակության և սպորտի ամբիոնի ժայռամագլցման մասնագետ Սուրեն Սեփանյանը:
2019 թ․ Հայաստանի ազգային պոլիտեխնիկական համալսարանի ուսանողական խորհրդի 25-րդ տարեդարձին և Տիգրան Պետրոսյանի 90-ամյակին նվիրված շախմատի մրցաշարում ԵՊՀ շախմատի թիմը գրավել է առաջին հորիզոնականը:
ՀՀ ուսանողական մարզական 24-րդ խաղերի շրջանակում անցկացված մրցույթում ԵՊՀ շախմատի թիմն զբաղեցրել է 2-րդ հորիզոնականը:
ԵՊՀ շախմատի թիմի մարզիչն է Ֆիզիկական դաստիարակության և սպորտի ամբիոնի դոցենտ, ՀՀ սպորտի վարպետ Սարգիս Սանթրոսյանը:
ԵՊՀ-ում գործում է քիքբոքսինգի խմբակ։
Խմբակի մարզիչն է Ֆիզիկական դաստիարակության և սպորտի ամբիոնի դոցենտ, ՀՀ սպորտի վարպետ Հմայակ Թադևոսյանը:
