Թարգմանչական գործ՝ անգլերեն և հայերեն

Ընդունելության պահանջները

Ընդունելության քննության անցկացման ձևաչափը՝ բանավոր:

Հարցաշարը՝ «Ընդունելություն» բաժնում:

Ծրագրի նպատակը

Կրթական ծրագրի նպատակն է ուսանողներին տալ թարգմանաբանության ոլորտին առնչվող խոր գիտելիքներ, սովորեցնել կատարել գրավոր և բանավոր թարգմանություններ մասնագիտական տարբեր ոլորտներում, ինչպես նաև իրականացնել լեզվի խոր իմացություն պահանջող տարբեր գործառույթներ, ինչը կապահովի բարձր մրցունակություն աշխատաշուկայում:

Առավելությունները

Մեր օրերում բազմաբնույթ թարգմանիչների պահանջարկը մեծ է բոլոր բնագավառներում: Հատկապես հաշվի առնելով մեզանում տեղ գտած անորակ թարգմանությունները` հրամայական է դարձել պրոֆեսիոնալ թարգմանիչներ ունենալը: Այս խնդրի լուծման ապահովումը իրականացնում է մագիստրոսական այս ծրագիրը:

Ծրագիրը կազմված է տվյալ մասնագիտության միջազգային մագիստրոսական ծրագրերին ներկայացվող չափանիշներին համապատասխան` հաշվի առնելով տեղական կրթական գործոնները և աշխատաշուկան: Ծրագիրը տարբերվում է մյուս բուհերի համանման ծրագրերից մասնագիտական խորությամբ և մասնագիտական առարկաների բազմազանությամբ:

Կարիերայի հնարավորությունները

Որակյալ թարգմանիչների պահանջարկը հանրապետությունում մեծ է և աշխատանքի տեղավորման հնարավորությունները բազմազան են:

Տվյալ մասնագիտությամբ շրջանավարտները կարող են որպես թարգմանիչ աշխատել պետական և ոչ պետական կառույցներում, տեղական և միջազգային կազմակերպություններում:

Շրջանավարտները կարող են դասավանդել ինչպես ավագ դպրոցներում, այնպես էլ հանրապետության տարբեր բուհերում, ինչպես նաև զբաղվել գիտական գործունեությամբ: