Ջրաօդերևութաբանություն

Ընդունելության պահանջները

Ընդունելության քննությունն անցկացվում է բանավոր՝ ըստ ընդունելության քննության համար նախատեսված հարցաշարի: Հարցաշարը հնարավոր է գտնել «Ընդունելություն» բաժնում:

Ծրագրի նպատակը

Ծրագրի նպատակն է պատրաստել կիրառական ջրաբանության, օդերևութաբանության և կլիմայագիտության գծով հետազոտող մասնագետներ, որոնք կնպաստեն Երկրում իրականացվող ջրակլիմայական գլոբալ փոփոխությունների և ջրային ռեսուրսների կայուն կառավարմանը, հիմնարար և կիրառական հետազոտությունների ու մշակումների արդյունավետության բարձրացմանը, Երկրի տեխնիկական և ինստիտուցիոնալ կարողությունների հզորացմանը, ՄԱԿ-ի «Կլիմայի փոփոխության մասին» շրջանակային կոնվենցիայի և կայուն զարգացման վերաբերյալ միջազգային պայմանագրերում Հայաստանի պարտավորությունների կատարմանը:

Առավելությունները

Ուսանողներն անցնում են մասնագիտական պրակտիկա, որի նպատակն է գործնական աշխատանքների միջոցով զարգացնել ուսանողների մասնագիտական հմտությունները և փորձառությունը, ինչպես նաև մասնագիտական ոլորտում ինքնուրույն աշխատելու կարողությունները: Մասնագիտական պրակտիկան կազմակերպվում է ուսումնական և գիտական հաստատություններում, պետական կառավարման մարմիններում, համայնքային կազմակերպություններում, մասնավոր ընկերություններում, ինչպես նաև տվյալ մասնագիտության ոլորտային այլ կազմակերպություններում, որոնք ունեն համապատասխան նյութատեխնիկական բազա և մասնագետներ:

Կարիերայի հնարավորությունները

Ծրագրի ավարտին ուսանողները հնարավորություն կունենան կրթությունը շարունակելու ինչպես ԵՊՀ, այնպես էլ համապատասխան մասնագիտական ծրագրեր իրականացնող ՀՀ և արտասահմանյան բուհերի ասպիրանտուրայում:

Հետադարձ կապի էլեկտրոնային հասցեներ

ԵՊՀ աշխարհագրության և երկրաբանության ֆակուլտետ՝ ashxarh@ysu.am

Ամբիոնի վարիչ, դոցենտ Ա․ Գրիգորյան՝ arsengrigoryan@ysu.am