Այս ծրագրի ավարտին ուսանողն ունակ կլինի․

1. Մասնագիտական գիտելիք և իմացություն
   1. Ներկայացնել կովկասագիտական տարբեր գիտաճյուղերի հիմնախնդիրները, տարածաշրջանային հետազոտության առանձնահատկությունները, Կովկասի էթնիկական պատմության ու պատմամշակութային ժառանգության ուսումնասիրության վիճակն ու ապագա հետազոտությունների ուրվագծերը։
   2. Քննել տարածաշրջանում կովկասյան մշակութային ներկայության փաստերն ու իրողությունները, տարածաշրջանային զարգացումներին կովկասյան էթ­նիկ տարրի ու կովկասյան մշակույթի բերած ավանդը, այսպիսով հիմքեր նախա­պատ­րաստելով կովկասագիտական համալիր հետազոտությունների համար
   3. Բացահայտել կովկասյան տարբեր երկրների համար ընդհանուր պատմական գործընթացները, առանձին էթնոսների ու մշակույթների փոխազդեցության ու փոխլրացման երևույթները, նյութական և հոգևոր մշակույթի դրսևորումները, քաղաքական առնչություններն ու գործընթացները, էթնիկական և մշակութային ինքնության գիտակցման ու արտահայտման համակարգերը։
   4. Ուսումնասիրել կովկասյան տարածաշրջանում ծավալված պատմական գործընթացներն և երևույթներն՝ իրենց կոնկրետ դրսևորումներով՝ ներառելով պատմական երևույթների դրսևորման զանազան ձևերն ու եղանակները, քաղաքական գործընթացների առանձնահատկությունները և պատմական իրադարձություններում հատուկ դերակատարում ունեցող հասարակական խավերի և անհատների գործունեության հիմնական դրվագները։
   5. Ճանաչել է Կովկասի պատմության քաղաքա­կրթա­կան տարբեր շրջափուլերն իրենց ներքին կապերով և առնչություններով։
   6. Դրսևորել համապարփակ գիտելիք և իմացություն Կովկասի և հարակից ոլորտների ժամանակակից ձեռքբերումների և նվաճումների, տեսությունների և մեթոդների վերաբերյալ, որոնք թույլ են տալիս նախագծել և իրականացնել մագիստրոսի մակարդակին համապատասխան կովկասագիտական և միջգիտակարգային ինքնուրույն հետազոտություններ։
2. Գործնական մասնագիտական կարողություններ
   1. Տիրապետել պատմական սկզբնաղբյուրների վերլուծության ժամանակակից մեթոդաբանությանը, բնագրով կարդալ ու մեկնաբանել վրացերեն կամ ադրբեջաներեն շարադրված բնագրերը։
   2. Օգտվել ժամանակակից տեղեկատվական տեխնոլոգիաներից նյութեր հավաքելու և ուսումնասիրություններ իրականացնելու ընթացքում։
   3. Կիրառել նոր մեթոդներ ու մոտեցումներ, վերլուծել, ընդհանրացնել փաստերն ու իրողությունները, կատարել տեսական եզրակացություններ:
   4. Ծավալել ինքնուրույն մասնագիտական գործունեություն ինչպես պետական կառույցներում, այնպես էլ կրթության ու գիտության ասպարեզներում:
   5. Հետազոտել, ձևակերպել և հիմնավորել գիտական նոր հայեցակարգերը, տեսություններն ու մեթոդները և առաջադրել ոլորտի տեսական կամ գործնական խնդիրները և լուծման նորարարական և ստեղծագործական մոտեցումները:
3. Ընդհանրական (փոխանցելի) կարողություններ
   1. Ձևակերպել և լուծել, կիրառել գիտելիքները պրակտիկայում։
   2. Տիրապետել օտար լեզվին այն ծավալով, որն անհրաժեշտ է մասնագիտական բնույթի տեղեկատվություն քաղելու օտարալեզու աղբյուրներից, արդյունավետ կիրառել համակարգչային հմտություններ, օգտվել հայերեն և օտարալեզու տեղեկատվության ժամանակակից աղբյուրներից (համացանցային ռեսուրսներ, էլեկտրոնային գրադարաններ և այլն):
   3. Կառուցել տրամաբանված ու հստակ բանավոր և գրավոր խոսք։ Կառուցել տրամաբանված ու հստակ բանավոր և գրավոր խոսք։
   4. Վարել կիրթ և փաստարկված գիտական բանավեճ։
   5. Կազմել հստակ, լավ կառուցված օտարալեզու տեքստ, նկարագրել իր փորձն ու իրադարձությունները, ներկայացնել սեփական կարծիքների և նպատակների հիմնավորումները: