Տպագիր և հեռարձակվող լրատվամիջոցների ամբիոն

Երևանի պետական համալսարանում ժուռնալիստիկայի ամբիոնը հիմնադրել է գրող, հրապարակախոս, բ.գ.դ., պրոֆեսոր Գևորգ Հայրյանը 1960-ականների սկզբին: Տարբեր տարիների ամբիոնը ղեկավարել են նաև Հ. Ֆելեքյանը, Գ. Անանյանը:

1999 թ. մայիսին՝ հիմնադրումից շուրջ երեք ու կես տասնամյակ անց, ամբիոնի հիմքի վրա ձևավորվել են ռադիոհեռուստատեսային ժուռնալիստիկայի ու մամուլի պատմության և տեսության ամբիոնները։ 2017 թ․ ռադիոհեռուստատեսային ժուռնալիստիկայի ամբիոնը վերանվանվել է տպագիր և հեռարձակվող լրատվամիջոցների ամբիոն։

Ռադիոհեռուստատեսային ժուռնալիստիկայի (հետագայում՝ տպագիր և հեռարձակվող լրատվամիջոցների) ամբիոնի առաջին վարիչը բ.գ.դ., պրոֆեսոր Մ. Հովսեփյանն էր: Շուրջ 25-ամյա գործունեության ընթացքում տպագիր և հեռարձակվող լրատվամիջոցների ամբիոնը մշակել և կյանքի է կոչել արդիական մի շարք մոդուլ-դասընթացներ, նախաձեռնել գիտաժողովներ և վերապատրաստման դասընթացներ, ձևավորել գործընկերային հարաբերություններ ԶԼՄ առաջատար ներկայացուցիչների և միջազգային կազմակերպությունների հետ:

Տպագիր և հեռարձակվող լրատվամիջոցների ամբիոնի վարիչի ժամանակավոր պաշտոնակատարն է բանասիրական գիտությունների թեկնածու, դոցենտ Նաղաշ Մարտիրոսյանը։

Ամբիոնում աշխատում են հանրապետության ճանաչված և առաջատար մասնագետներ, որոնք պարբերաբար անցնում են վերապատրաստումներ, ներգրավված են միջազգային ու տեղական դրամաշնորհային ծրագրերում: Ամբիոնի գիտնական-մանկավարժները հեղինակ են ուսումնամեթոդական ձեռնարկների, մենագրությունների, գիտական հոդվածների, որոնք տպագրվում են հեղինակավոր գիտական պարբերականներում։

Ամբիոնին կից գործում են արդիական պահանջներին համապատասխան կահավորված ռադիո- և հեռուստաստուդիաները, համակարգչային սրահը:

Ամբիոնն իրականացնում է «Լրագրություն» (առկա/հեռակա) բակալավրիատական կրթական ծրագիրը։