«Տրամաբանության վարժությունների և գործնական առաջադրանքների շտեմարան» ձեռնարկի շնորհանդեսը Փիլիսոփայության և հոգեբանության ֆակուլտետում

ԵՊՀ փիլիսոփայության և հոգեբանության ֆակուլտետում ս.թ. փետրվարի 19-ին տեղի ունեցավ «Տրամաբանության վարժությունների և գործնական առաջադրանքների շտեմարան» բուհական ձեռնարկի շնորհանդեսը։ 

ԵՊՀ ակադեմիական/ուսումնական հարցերի գծով պրոռեկտոր Էլինա Ասրիյանի, Փիլիսոփայության և հոգեբանության ֆակուլտետի դեկան Ալեքսան Բաղդասարյանի ողջույնի խոսքով մեկնարկեց միջոցառումը։ 

Դոցենտ Հովհաննես Հովհաննիսյանը, որը «Տրամաբանության, փաստարկման և ճարտասանության բաղադրիչների ներդրում և զարգացում բուհական կրթական ծրագրերում» ԵՊՀ նեքին դրամաշնորհային ծրագիրն իրականացրած խմբի ղեկավարն էր, ներկայացրեց երեք տարվա ընթացքում կատարված աշխատանքերը․ հրատարակված 30-ից ավելի  գիտական հոդվածներ, զեկուցումներ ինչպես տեղական, այնպես էլ միջազգային գիտաժողովներում, վարպետաց դասեր և բանախոսություններ ԵՊՀ-ում, պարապմունքներ և՛ տեղական, և՛ միջազգային կազմակերպությունների հրավերով ու նրանց հետ գործակցությամբ, աշխատանք ուսանողական խորհուրդների, գիտական ընկերությունների հետ, բուհական դասընթացների ուսումնամեթոդական փաթեթների բարելավում, «Մտածողության տեխնոլոգիաներ և ԱԲ» նոր դասընթացի ներառում փիլիսոփայության բաժնի կրթական ծրագրերում։ 

Հ․ Հովհաննիսյանը ներկայացրեց գիտահետազոտական ծրագրի շրջանակում պատրաստված ձեռնարկի կառուցվածքն ու բովանդակային բաղադրիչները։ Այն նա­խա­տես­ված է բու­հե­րի և հետ­բու­հա­կան կր­թա­կան հաս­տա­տու­թյուն­նե­րի ու­սա­նող­նե­րի և դա­սա­խոս­նե­րի, դա­սա­կան և ոչ դա­սա­կան տրա­մա­բա­նու­թյան, փաս­տարկ­ման խն­դիր­նե­րով հե­տաքրքր­ված մաս­նա­գետ­նե­րի հա­մար։ Պարունակում է ա­վե­լի քան հա­զար վար­ժու­թյուն և գործ­նա­կան ա­ռա­ջադ­րանք՝ ա­վան­դա­կան-ձ­ևա­կան, մա­թե­մա­տի­կա­կան, ի­նչ­պես նաև ոչ դա­սա­կան տրա­մա­բա­նության հա­մա­կար­գե­րից՝ մոդալային, ին­տեր­ռո­գա­տիվ և փո­խա­կեր­պա­կան տրա­մա­բա­նու­թյան հայե­ցա­կար­գերի վե­րա­բե­րյալ։ 

Միջոցառմանը ներկա էին ԵՊՀ տարբեր ֆակուլտետների դասախոսներ և ուսանողներ, հյուրեր գործընկեր բուհերից՝ Հայկական պետական մանկավարժական համալսարանից, Հայաստանում ֆրանսիական համալսարանից, Հայաստանի պետական տնտեսագիտական համալսարանից,  Կոմիտասի անվան պետական կոնսերվատորիայից և հետբուհական կրթական հասատություններից։ 

Քանի որ ձեռնարկի շնորհանդեսը համընկել էր Հ․ Թումանյանի ծննդյան տարեդարձի և ավանդական դարձած Գրքի տոնի հետ, միջոցառման ամփոփիչ հատվածում, ձեռնարկում տեղ գտած առաջադրանքների հիման վրա կազմակերպվեց ուսանողական վիկտորինա, որի հաղթողները նվեր ստացան ձեռնարկի օրինակներից։ Միջոցառումն ավարտվեց երաժշտական գեղեցիկ կատարումներով։