Ցեղասպանագիտություն

ԵՊՀ հայագիտական հետազոտությունների ինստիտուտում իրականացվում է «Ցեղասպանագիտություն» մագիստրոսական ծրագիրը։

Ընդունելության պահանջները

ԵՊՀ մագիստրատուրայի 2023/2024 ուսումնական տարվա առկա և հեռակա ուսուցման ձևերով ընդունելությունը կատարվելու է «ԵՊՀ մագիստրատուրայի (առկա և հեռակա ուսուցման ձևերով) ընդունելության կարգի» համաձայն:

Ծրագրի նպատակը

Ուսումնառության ընթացքում մագիստրատուրայի ուսանողները կուսումնասիրեն ցեղասպանության տարբեր օրինակներ (Հայոց ցեղասպանություն, Հոլոքոստ, Կամբոջայի ցեղասպանություն, Ռուանդայի ցեղասպանություն և զանգվածային այլ հանցագործություններ), ցեղասպանության համար միջազգային իրավական պատասխանատվության հարցեր, ցեղասպանության թեման ժամանակակից միջազգային հարաբերություններում, Արցախում ընթացող գործընթացները, ցեղասպանության վտանգը և ինքնորոշման հնարավորությունները, սոցիալական մարտավարությունները ցեղասպանության ժամանակ (ոճրագործներ, փրկողներ, զոհեր և դիմադրողներ), մշակութային ժառանգության ոչնչացման հիմնահարցերը, ցեղասպանության հոգեբանական հետևանքները (տրավմա, ինքնության հարցեր), ցեղասպանությունների կանխարգելման ժամանակակից մոդելները:

Առավելությունները

Ծրագիրն իրականացվում է Ցեղասպանությունների և այլ զանգվածային հանցագործությունների կանխարգելման ՅՈՒՆԵՍԿՕ-ի ամբիոնի և Հայոց ցեղասպանության թանգարան-ինստիտուտի հետ համագործակցությամբ:

Շրջանավարտների կարիերայի հնարավորությունները

Ծրագրի ավարտին տրվում է միջազգային հարաբերությունների մագիստրոսի աստիճան: