Ս․թ․ մարտի 10-ին Սպիտակի №8 դպրոցի աշակերտները և ուսուցիչները Միջազգային հարաբերությունների ֆակուլտետի ասպիրանտ Կարեն Ղազարյանի նախաձեռնությամբ այցելեցին Միջազգային հարաբերությունների ֆակուլտետ և հանդիպեցին պրոֆեսորադասախոսական կազմի ներկայացուցիչների հետ։
Աշակերտները հնարավորություն ունեցան ծանոթանալու ֆակուլտետի կառուցվածքին, ինչպես նաև ֆակուլտետում գործող կրթական ծրագրերին և դրանց ընձեռած հնարավորություններին։ Հանդիպման ընթացքում աշակերտներն իրենց հետաքրքրող հարցերն ուղղեցին բակալավրի կրթական ծրագրերի ղեկավարներին և ստացան հիմնավոր պատասխաններ, ինչը օգտակար էր ապագա դիմորդներին մասնագիտական կողմնորոշման համար։
Միջազգային հարաբերությունների ֆակուլտետում կազմակերպվող այսօրինակ միջոցառումները նպատակ ունեն աջակցելու դպրոցականներին մասնագիտական կողմնորոշման հարցում, ինչպես նաև բարձրացնելու իրազեկվածության մակարդակը Միջազգային հարաբերությունների ֆակուլտետում գործող կրթական ծրագրերի նկատմամբ։
