Միջազգային հարաբերություններ

Մագիստրոսական ծրագիր

Ընդունելություն

  • Առկա ու հեռակա ուսուցման ձևերով, մրցութային կարգով ԵՊՀ մագիստրատուրա կարող են ընդունվել Հայաստանի Հանրապետության պետական և ըստ մասնագիտությունների հավատարմագրված/ինստիտուցիոնալ հավատարմագրում անցած ոչ պետական բարձրագույն ուսումնական հաստատությունների բակալավրի, մագիստրոսի կամ դիպլոմավորված մասնագետի որակավորում ունեցող շրջանավարտները:
  • ԵՊՀ մագիստրատուրայում ընդունելությունը առկա ուսուցման ձևով կատարվում է երկու փուլերով, իսկ հեռակա ուսուցման ձևով' մեկ փուլով: Փուլերի անցկացման ժամանակացույցը հաստատվում է ռեկտորի հրամանով:
  • Առկա ուսուցման ձևով առաջին փուլով անվճար ու վճարովի ուսուցման համակարգի ընդունելության մրցույթին կարող են մասնակցել ԵՊՀ բակալավրիատի առկա և հեռակա ուսուցման ձևերի նույն մասնագիտությամբ (կրթական ծրագրի) վերջին երեք ուսումնական տարվա (ուսումնական տարիների հաշվարկը սկսվում է գործող ուսումնական տարվանից) շրջանավարտները' ըստ իրենց ամփոփիչ ատեստավորման գնահատականի և դիպլոմի հավելվածում գրանցված միջին որակական գնահատականի (ՄՈԳ-ի):   Դիմորդների ընդունելությունը կատարվում է առանց ընդունելության քննության, մրցութային կարգով' ատեստավորման գնահատականի և ՄՈԳ-ի շեմի հաշվառմամբ: Հավասար ՄՈԳ-ի դեպքում հաշվի են առնվում հետևյալ լրացուցիչ չափորոշիչները'  ա) գերազանցության դիպլոմի առկայությունը, բ) ամփոփիչ ատեստավորման արդյունքները: Տվյալ փուլում առանձին մագիստրոսական կրթական ծրագրերի ընդունելության մուտքային  պահանջները յուրաքանչյուր տարի սահմանվում են ռեկտորի հրամանով: Անվճար (պետության կողմից ուսանողական նպաստների ձևով ուսման վարձի լրիվ փոխհատուցմամբ) տեղերի համար հայտարարված մրցույթը չհաղթահարելու դեպքում 1- ին փուլի դիմորդներն ընդունվում են նույն կրթական ծրագրի վճարովի համակարգ:
  • Երկրորդ փուլով ընդունելությունը կատարվում է երկու ենթափուլով և միայն վճարովի ուսուցման համակարգում: Այս փուլի ընդունելության մրցույթին կարող են մասնակցել ԵՊՀ և այլ պետական, ըստ մասնագիտությունների հավատարմագրված/ինստիտուցիոնալ հավատարմագրում անցած ոչ պետական բարձրագույն ուսումնական հաստատությունների (առկա ու հեռակա ուսուցման ձևերի) բակալավրի, մագիստրոսի կամ դիպլոմավորված մասնագետի որակավորում ունեցող շրջանավարտները:

Հարցաշար

  1. «Դիվանագիտություն» հասկացությունը. Դիվանագիտությունը որպես գիտություն և արվեստ:
  2. Դիվանագիտական հարաբերությունների մասին Վիեննայի 1961 թ. կոնվենցիան:
  3. Վիեննայի կոնվենցիան (1963թ.) հյուպատոսական հարաբերությունների մասին:
  4. Դիվանագիտական դասեր և ռանգեր:
  5. Դիվանագիտական կորպուս: Դուայեն:
  6. Դիվանագիտական հարաբերությունների հաստատումը, ընդհատումն ու խզումը:
  7. Դեսպանի նշանակման կարգը: Հավատարմագրերի հանձնումն ու դեսպանի հիմնական պարտականությունները:
  8. Դեսպանի հետկանչումը և նրա մեկնումը նստավայր երկրից:
  9. Դիվանագիտական և հյուպատոսական ներկայացուցչությունների արտոնություններն ու իմունիտետը:
  10. Դիվանագիտական և հյուպատոսական անձնակազմի արտոնություններն ու իմունիտետը:
  11. Դիվանագիտական գրագրության հիմնական տեսակները:
  12. Դիվանագիտական ներկայացուցչությունների հիմնական ֆունկցիաները:
  13. Դիվանագիտական ծառայության արդի վիճակի համեմատական վերլուծությունը (ԱՄՆ-ի , Մեծ Բրիտանիայի, Ֆրանսիայի, ԳԴՀ-ի , Իտալիայի և ՌԴ-ի օրինակով):
  1. Բազմակողմ դիվանագիտության զարգացման հիմնական փուլերը:
  2. «Կոնֆերանսների դիվանագիտությունը»:
  3. «Բաց» դիվանագիտության հայեցակարգը:
  4. «Հանրային» դիվանագիտության հայեցակարգը:
  5. Տնտեսական դիվանագիտությունը որպես բազմակողմ դիվանագիտության գործոն:
  6. Եվրոպական Միության արտաքին քաղաքական մեխանիզմը:
  7. Եվրոպական Միության դիվանագիտական մարմինները:
  8. Վերսալ-Վաշինգտոնյան համակարգի պայմանագրերը:
  9. Ազգերի լիգայի և ՄԱԿ-ի ստեղծումն ու գործունեությունը:
  10. Նացիստական Գերմանիայի և ֆաշիստական Իտալիայի արտաքին քաղաքականությունը:
  11. Սառը պատերազմը և Երկբևեռ աշխարհակարգը:
  12. ԱՄՆ-ի արտաքին քաղաքականությունը և արտաքին քաղաքական դոկտրինները Սառը պատերազմի ընթացքում:
  13. Գաղութային համակարգի փլուզման գործընթացը, երրորդ աշխարհն ու չմիացած երկրների շարժումը:
  14. Միջուկային զենքի չտարածման մասին պայմանագրի կնքումը:
  15. Համաեվրոպական և Հելսինկիի գործընթացն ու Հելսինկիի ակտի ստորագրումը:
  16. Իսրայել պետության հռչակումը և արաբ-իսրայելական պատերազմները 1948- 1967թթ.:
  17. Որոշման կայացման գործընթացը միջազգային հարաբերություններում:
  18. Պինգ-պոնգի դիվանագիտությունը`ՉԺՀ-ԱՄՆ հարաբերությունների համատեքստում:
  19. Գերմանական հարցը 1945/49-1990 թթ. և Գերմանիայի վերամիավորումը:
  20. Կիպրոսի հիմնախնդիրը:
  1. Հնդկաստանա-պակիստանյան հակամարտությունը:
  2. Հարավսլավիայի էվոլյուցիան և փլուզման գործընթացը:
  3. Իրան-իրաքյան պատերազմի պատճառները, ընթացքն ու արդյունքները:
  4. «Մաքոքային դիվանագիտությունն» ու «մերձավորության քննարկումները»:
  5. ԱՄՆ-ի արտաքին քաղաքական գերակայությունները Ջորջ Բուշ ավագի և Բիլլ Քլինթոնի օրոք:
  6. Ջորջ Բուշ կրտսերի դոկտրինը: Նախարդիական, արդիական և հետարդիական երկրներ, «կանխակալում» և «կանխարգելում», «Չարիքի առանցք» հասկացությունները):
  7. Եվրոպական ինտեգրացիայի գործընթացն ու Եվրամիության երրորդ և չորրորդ ընդլայնումները:
  8. Եվրոպական միության ինստիտուտները:
  9. Սևծովյան տնտեսական համագործակցության կազմակերպությունը:
  10. Նավթ արտահանող երկրների կազմակերպության/ՆԱԵԿ (OPEC) ստեղծումն ու գործունեությունը:
  11. Մասնավոր ռազմական ընկերությունների ստեղծումն ու գործունեությունը:
  12. Շանհայի համագործակցության կազմակերպության ստեղծումն ու գործունեությունը:
  13. Խաղերի տեսությունը միջազգային հարաբերություններում:
  14. Հայկական հարցը Փարիզի կոնֆերանսում:
  15. Սան-Ռեմոյի կոնֆերանսը: Սևրի պայմանագիրը:
  16. Լոզանի կոնֆերանսը: Հայկական հարցը կոնֆերանսում:
  17. Հայաստանը ըստ Ալեքսանդրապոլի (1920թ. դեկտ. 2), Մոսկվայի (1921 թ. մարտի 16), և Կարսի (1921 թ. հոկտ. 13) պայմանագրերի (համեմատական վերլուծություն):
  18. Հայաստանի առաջին Հանրապետության կազմավորումը: Արտաքին հարաբերությունների ներպետական և արտասահմանյան մարմինները:
  1. Հայաստանի առաջին Հանրապետության միջազգային դրությունը և արտաքին քաղաքականությունը (ընդհանուր բնութագրումը):
  2. Հայաստանի առաջին Հանրապետության արտաքին քաղաքականության երեք հիմնական փուլերը և նրանց համեմատական վերլուծությունը:
  3. Հայաստանի առաջին Հանրապետության առնչությունները Խորհրդային Ռուսաստանի հետ (1918թ. հունիս - նոյեմբեր):
  4. Հայաստանի առաջին Հանրապետության հարաբերությունները Ռուսաստանի ոչ խորհրդային պետական կազմավորումների հետ (1918-1920թթ.):
  5. Հայաստանի առաջին Հանրապետության հարաբերություններն Ուկրաինայի հետ (1918-1920թթ.):
  6. Հայաստանի երրորդ Հանրապետության անկախության ճանաչման գործընթացը:
  7. ՀՀ արտաքին հարաբերությունների պետական մարմինները, դրանց խնդիրները:
  8. Ղարաբաղյան հիմնահարցը և միջազգային դիվանագիտությունն արդի փուլում:
  9. ՀՀ հարաբերությունները սահմանակից երկրների հետ արդի ժամանակաշրջանում:
  10. ՀՀ-ՌԴ հարաբերությունները 1991-2020 թթ.:
  11. ՀՀ-ԱՄՆ հարաբերություններն 1991-2020 թթ.:
  12. Հայաստանի երրորդ Հանրապետության անդամակցությունը միջազգային կազմակերպություններին:
  13. Ինտեգրացիոն գործընթացների առանձնահատկությունները հետխորհրդային տարածքում:
  14. ԱՊՀ կազմավորումը: Հայաստանի մասնակցությունն ԱՊՀ կառույցներին:
  15. ՀԱՊԿ-ի ստեղծումն ու գործունեությունը:
  16. ԵԱՏՄ ստեղծումն ու գործունեությունը:
  1. Թուրքիայի Հանրապետության քաղաքականությունը Հարավային Կովկասում 1991-2020 թթ.:
  2. Իրանի Իսլամական Հանրապետության քաղաքականությունը Հարավային Կովկասում 1991-2020 թթ.:
  3. ՌԴ-ԱՄՆ հարաբերությունները 1991-2020 թթ.:
  4. ՌԴ արտաքին քաղաքականությունը հետխորհրդային տարածքում 2000- 2020թթ.:
  5. ԱՄՆ-ի շահերը Հարավային Կովկասում և Կենտրոնական Ասիայում` արդի շրջանում:
  6. Միջազգային և ներպետական իրավունքի հարաբերակցությունը:
  7. Միջազգային իրավունքի սույեկտները: Ճանաչումը միջազգային իրավունքում:
  8. Միջազգային իրավունքի հիմնական սկզբունքները:

Գրականության ցանկ

  1. Միավորված ազգերի կազմակերպության կանոնադրություն:
  2. 1961թ. Վիեննայի կոնվենցիան դիվանագիտական հարաբերությունների մասին,
  3. 1963թ. Վիեննայի կոնվենցիան հյուպատոսական հարաբերությունների մասին,
  4. Հայաստանի Հանրապետության օրենքը դիվանագիտական ծառայության մասին:
  5. Հայաստանի Հանրապետության օրենքը հյուպատոսական ծառայության մասին:
  6. Ավետիսյան Հ., Հայկական հարցը 1918թ., Երևան 1997:
  1. Բալայան Տ., «Բազմակողմ դիվանագիտություն», Դասախոսության նյութերի ժողովածու: Ամարաս հրատարակչություն, Երևան, 2013:
  2. Բայբուրդյան Վ., Իրանի պատմություն, Երևան, 2005:
  3. Գալոյան Գ., Հայաստանը և մեծ տերությունները (1917-1923թթ.), Երևան, 1999:
  4. Զոհրաբյան Է., Սովետական Ռուսաստանը և հայ-իրանական հարաբերությունները (1920-1922թթ), Երևան, 1985:
  5. Զոհրաբյան Է., Նախիջևանյան հարցը և Հայաստանի «դաշնակիցները» (1918թ. դեկտեմբեր – 1920թ. ապրիլ), Երևան, 2002:
  6. Խատիսյան Ալ., Հայաստանի Հանրապետության ծագումն ու զարգացումը, Բեյրութ,1968:
  7. Հովհաննիսյան Ռ., Հայաստանի Հանրապետություն, հ. 1, Երևան 2005:
  8. Մինասյան Է., Հայաստանի երրորդ հանրապետության պատմություն, Երևան, 2013:
  9. Պետրոսյան Գ., ՀՀ հարաբերությունները Ռուսաստանի ոչ խորհրդային պետական կազմավորումների հետ (1918-1920թթ.), Երևան, 2006:
  10. Պետրոսյան Գ., ՀՀ և Ուկրաինայի դիվանագիտական հարաբերությունների պատմությունից (1918-1920թթ), Երևան 2002:
  11. Պետրոսյան Գ., Անդրկովկասը դիվանագիտական հորձանուտում. Հայոց անկախ պետականության կերտումը (1917թ. փետրվար – 1918թ. հունիս), Երևան, 2018:
  12. Պետրոսյան Գ., Հայաստանի Հանրապետության հարաբերությունները Ռուսաստանի հետ (1918-1920 թթ.), Երևան, 2011:
  13. Վրացյան Ս., Հայաստանի Հանրապետություն, Երևան, 1993:
  14. Քոչարյան Վ., Միջազգային իրավունք, Երևանի համալսարանի հրատ., Երևան, 2002:
  15. Ачкасов В. А., Ланцов С. А., Мировая политика и международные отношения, М.: Аспект Пресс, 2011․
  1. Бжезинский Збигнев - Великая шахматная доска (Господство Америки и его геостратегические императивы). Международные отношения, М.: 1998
  2. Богатуров А. Д., Аверков В.В., История международных отношений 1945-2008. М., 2012.
  3. Гаджиев К.С., “Большая игра” на Кавказе. Вчера, сегодня, завтра, М., 2012.
  4. Зонова T., ,,Дипломатия: модели, формы, методы'', М., 2014 г.
  5. Зорин В., ,,Основы дипломатической службы”, М., 1962 г.
  6. Киссинджер Г., Дипломатия. Пер. с англ. В. В. Львова / Послесл. Г. А. Арбатова.-М., Ладомир, 1997.
  7. Кулагин В. М., Современная международная безопасность. М.: КНО РУС, 2012.
  8. Конфликты на Востоке: Этнические и конфессиональные: Учеб. пособие для студентов /Под ред. А. Д. Воскрессенцкого. – М.: Аспект Пресс, 2008.
  9. Лукашук И.И. Международное право. Общая часть: учебник для студентов юридических факультетов и вузов. - Изд. 3-е, перераб. и доп. – М.: Волтерс Клувер, 2005.
  10. Петросян Г. А., Закавказье в дипломатических перипетиях: становление армянской независимой государственности (февраль 1917 - июнь 1918 гг.), Ереван, 2019.
  11. Попов В.И., ,, Современная дипломатия: теория и практика”, М. 2003 г.
  12. Системная история международных отношений в двух томах. / Под ред. А. Д. Богатурова. Том второй, события 1945-2003 годов. М., 2007.
  13. Современный Китай в системе международных отношений/ Отв. ред. Д. В. Буяров, М.,2013.
  14. Современная мировая политика: Прикладной анализ/ Отв. ред. А. Д. Богатуров. М. Аспект Пресс. 2010.
  1. Теория международного прогнозирования. Учебное пособие Дипломатическая академия МИД РФ. М., 2002.
  2. Торкунов А., Мальгин А. Современные международные отношения, Учебное пособие. —М.: Аспект Пресс, 2012.
  3. Цыганков П.А., Теория международных отношений: Учеб. пособие. — М., 2003.
  4. Klabbers Jan, International Law, Cambridge University Press, 2013.
  5. Shaw Malcolm N., International Law, Sixth edition, Cambridge University Press, 2008.
Հասցե` ՀՀ, ք. Երևան, 0025, Ալեք Մանուկյան 1 (+37460) 710000 info@ysu.am