Տնտեսագիտություն

Ընդունելության պահանջները

Ընդունելությունը կատարվում է «ՀՀ պետական և ոչ պետական բարձրագույն ուսումնական հաստատություններ ընդունելության (ըստ բակալավրի կրթական ծրագրի) կարգը հաստատելու և ՀՀ Կառավարության՝ 2011 թվականի ապրիլի 28-ի N 686-Ն որոշումն ուժը կորցրած ճանաչելու մասին» ՀՀ Կառավարության՝ 2012 թվականի ապրիլի 26-ի N 597-Ն որոշման համաձայն:

Մանրամասները՝ «Ընդունելություն» բաժնում:

Ծրագրի նպատակը

«Տնտեսագիտություն» բակալավրիատական կրթական ծրագրի նպատակն է պատրաստել բարձրորակ տնտեսագետ-մասնագետներ տնտեսության տարբեր ոլորտներում տնտեսական գործունեություն իրականացնող կազմակերպությունների, ֆինանսաբանկային ոլորտի, արտադրական և սոցիալական ենթակառուցվածքների, պետական կառավարման և տեղական ինքնակառավարման համակարգերի տարբեր օղակների համար:

Առավելությունները

Առկա ուսուցման բակալավրի բոլոր կրթական ծրագրերում ութերորդ կիսամյակում կազմակերպվում է մասնագիտական պրակտիկա ՀՀ մասնավոր և պետական կազմակերպություններում ու գերատեսչություններում:

Կարիերայի հնարավորությունները

Ծրագրի շրջանավարտները բուհն ավարտելուց անմիջապես հետո կարող են զբաղեցնել հետևյալ պաշտոնները` տնտեսության կառավարման ապարատի աշխատող, տնտեսագետ (այդ թվում՝ սոցիալական ոլորտի), տնտեսական հարցերի գծով խորհրդական, տնտեսագետ-վերլուծաբան, ուսուցիչ և դասախոս: Նրանք կարող են աշխատել ՀՀ Կառավարությունում, նախարարություններում, պետական այլ գերատեսչություններում, մասնավոր հատվածում, ՀՀ բարձրագույն և հանրակրթական ուսումնական հաստատություններում, ինչպես նաև միջազգային կառույցներում:

Ծրագրի շրջանավարտները հնարավորություն ունեն ուսումը շարունակելու «Տնտեսագիտություն» մասնագիտության (առանց ընդունելության քննության) և այլ մասնագիտությունների գծով գործող մագիստրոսական ծրագրերում, ինչպես նաև կրճատված ժամկետներում՝ ստանալու բակալավրի կամ դիպլոմավորված մասնագետի որակավորման աստիճան՝ 2-րդ մասնագիտության գծով: