Քրեական արդարադատություն և փաստաբանություն

Ուսման ձևը` առկա, տևողությունը` 3 կիսամյակ, ուսման վարձը` յուրաքանչյուր կիսամյակ 500000 դրամ:

Շնորհվող որակավորումը` իրավագիտության մագիստրոս:

Ընդունելության պահանջները

«Քրեական արդարադատություն և փաստաբանություն» մագիստրոսական ծրագրում մրցութային կարգով կարող են ընդգրկվել ՀՀ պետական և հավատարմագրված/ինստիտուցիոնալ հավատարմագրում անցած ոչ պետական բարձրագույն ուսումնական հաստատությունների՝ իրավագիտության բակալավրի կամ դիպլոմավորված մասնագետի որակավորում ունեցող շրջանավարտները։

Ծրագրի նպատակը

Կրթական ծրագրի նպատակն է ուսանողին տրամադրել խոր, համակարգված և համակողմանի գիտելիքներ քրեական, քրեական դատավարության, քրեակատարողական ոլորտների օրենսդրության, ինստիտուցիոնալ համակարգի, դատական պրակտիկայի, այլ երկրների օրենսդրությունների և իրավական համակարգերի վերաբերյալ, զարգացնել ուսանողների մասնագիտական կարողությունները և հմտությունները քրեական արդարադատության ոլորտի օրենսդրությունը և դրա կիրառման պրակտիկան վերլուծելու և մեկնաբանելու, քրեաիրավական, քրեակատարողական և քրեադատավարական ոլորտներում ինքնուրույն ուսումնասիրություններ և հետազոտական աշխատանքներ կատարելու, գործ­նա­կան բարդ խնդիր­ներ լու­ծելու, ոլորտին առնչ­վող փաս­տա­թղթեր կազ­մելու նպատակով։