ԵՊՀ Պալեանների անվան դահլիճում տեղի ունեցավ Կենսաբանության ֆակուլտետի 2023-2024 ուստարվա շրջանավարտների դիպլոմների հանձնման արարողությունը, որին ներկա էին ֆակուլտետի դեկանը, փոխդեկանը, կրթական ծրագրերի ղեկավարները, պրոֆեսորադասախոսական կազմի ներկայացուցիչները և այլ հյուրեր:
Միջոցառման մասնակիցները փաստեցին, որ ավարտական վկայականների հանձնման արարողությունը կարևոր և հիշարժան միջոցառում է ոչ միայն շրջանավարտների, այլև պրոֆեսորադասախոսական ողջ անձնակազմի համար:
Նրանք ընդգծեցին բուհում ուսումնառության տարիներին ուսանողների ձեռք բերած մասնագիտական գիտելիքների և մարդկային որակական հատկանիշների կարևորությունը, որոնց օգնությամբ նրանք կկարողանան հաղթահարել հետագայում հանդիպած ցանկացած մարտահրավեր և հաղթանակած դուրս գալ ցանկացած բարդ իրավիճակից:
