Հեղուկ բյուրեղային ալիքաթիթեղներ օպտոմեխանիկական և օպտոէլեկտրոնային արդյունաբերության համար

Վերջերս, կապի, տեղեկատվական տեխնոլոգիաների, տրամաբանական սարքերի և այլ բնագավառներում, էլեկտրական ազդանշաններից ակտիվորեն անցում է կատարվում օպտիկականներին: Դրանով պայմանավորված՝ հեղուկ բյուրեղային հիմքով տարբեր ֆոտոնային կառուցվածքների ուսումնասիրումը դարձել է ֆիզիկայի ամենաարդիական ուղղություններից մեկը։ Այս նախագծում մենք նախատեսում ենք իրականացնել ընդգրկուն հետազոտություններ հեղուկ բյուրեղային հիմքով բազմաֆունկցիոնալ ալիքաթիթեղների, օպտիկական դիոդների, նեղշերտ օպտիկական լուսազտիչների, և լույսի տարածաժամանակային մոդուլյատորների ստեղծման ուղղությամբ։ Վերջիններս, իրենց էլաստիկության, հեշտ կառավարելիության և լայնաշերտության շնորհիվ կարող են լայն կիրառություն ձեռք բերել օպտոմեխանիկական և օպտոէլեկտրոնային արդյունաբերության ոլորտում։