Ընդհանուր տվյալներ
Նախագիծը ներկայացնում է համալիր և բազմափուլ հետազոտություն, որը հնարավորություն կտա բացահայտելու անմիջական ու միջնորդավորված սթրեսածին ազդեցության և դրա կուտակային էֆեկտի ընկալման, հաղթահարման ու հարմարման հոգեբանական առանձնահատկությունները՝ կապված շարունակական և բազմագործոն բացասական ներգործությունների հետ։ Մեր դիտարկմամբ վերոնշյալ տևական և համալիր անմիջական սթրեսածին ներգործությունների առավել ցայտուն օրինակ է արցախահայության հետ տեղի ունեցածը (սահմանային լարվածություն, համավարակ, պատերազմ, շրջափակում, հարկադրված տեղահանություն), ինչը որոշակի միջնորդավորված սթրեսածին ազդեցություն ունի նաև այդ ներգործություններից անմասն չմնացած ՀՀ ողջ բնակչության վրա։ Հոգեկան լարվածության ամենօրյա ու հարատև բացասական գործոններով հարուցված կուտակային սթրեսի առանձնահատկությունների և այդ գործոններին հակազդելու կառուցակարգերի ուսումնասիրության նպատակով ներկայացվող սույն յուրօրինակ նախագծի արդիականությունն ու գիտատական նորույթը միտված են նաև օժանդակելու ՀՀ պրակտիկ հոգեբանների մասնագիտական գործունակությանն ու համագործակցությանը՝ ներգրավելով նաև Արցախից տեղահանված հոգեբանների գիտական ներուժը։
Օտարերկրյա գործընկեր
Շաբոլտաս Ալլա Վադիմի, հոգեբանական գիտությունների դոկտոր, Սանկտ Պետերբուրգի պետական համալսարան
