Միկրոջրիմուռների ներուժի բացահայտում. կենսազանգվածի ստացուﬕց ﬕնչև կենսաբանական ակտիվությամբ օժտված նանոմասնիկների սինթեզ

Սույն նախագծի նպատակն է գնահատել Հայաստանում մեկուսացված Parachlorella kessleri և Spirulina platensis միկրոջրիմուռների կենսատեխնոլոգիական ներուժը, որը ներառում է մի քանի մոտեցումներ: Ալկոհոլային արդյունաբերության թափոնները կօգտագործվեն որպես հումք միկրոջրիմուռների կենսազանգվածի ելքը խթանման համար: Ստացված կենսազանգվածից կիրականացվի տարբեր նանոմասնիկների, ինչպիսիք են ZnՕ և TiO2, էկոլոգիապես մաքուր «կանաչ սինթեզ»: Սինթեզված նանոմասնիկների ֆիզիկաքիմիական հատկությունները կուսումնասիրվեն ժամանակակից գործիքային մեթոդներով՝ UV-Vis, Ֆուրյե ձևափոխմամբ ինֆրակարմիր և էներգիայի ցրման սպեկտրոսկոպիա, տրանսմիսիոն էլեկտրոնային մանրադիտակում, ռենտգենյան ճառագայթների դիֆրակցիա և լույսի դինամիկ ցրում: Կգնահատվի սինթեզված նանոմասնիկների հակամանրէային ներուժը պայմանական ախտածին բակտերիաների և սնկերի հանդեպ: Բացի այդ՝ կուսումնասիրվի նանոմասնիկների հեմոլիտիկ ակտիվությունը մարդու էրիթրոցիտների նկատմամբ: Նախագծի արդյունքները կարևոր են կանաչ նանոտեխնոլոգիայի ռազմավարությունների մշակման համար։ Օգտագործելով միկրոջրիմուռները որպես նանոմասնիկների սինթեզի արդյունավետ կենսահամակարգեր՝ նախագիծը համահունչ է կայուն և էկոլոգիապես մաքուր տեխնոլոգիաների նկատմամբ աճող հետաքրքրությանը: