Ընդհանուր տվյալներ
Իրենց կենսաաշխարհագրական դիրքի շնորհիվ՝ Հայաստանում զգալի տարածքներ են զբաղեցնում քսերոֆիտային համակեցությունները՝ կիսաանապատները, տափաստանները, շիբլյակը և տափաստանային թփուտները, որոնց ֆլորան եթերայուղատու բույսերի արժեքավոր աղբյուր է։
Ներկայացված ծրագրի հիմնական նպատակն է բացահայտել ՀՀ-ում Lamiaceae (խուլեղինջազգիներ) ընտանիքի վայրի աճող եթերայուղատու տեսակների բազմազանությունը, կատարել դրանց բազմակողմանի ուսումնասիրություններ՝ պարզաբանելով բնակչության կողմից նախկինում չօգտագործվող տեսակների տնտեսական նշանակությունը։ Նախագծի նպատակն է նաև բացահայտել եթերայուղատու տեսակների էքստրակտների և եթերայուղերի կենսաքիմիական կազմը, հայտնաբերել հայկական եթերայուղատու տեսակների քեմոտիպերը և պարզաբանել ֆենոլոգիական տարբեր փուլերում հավաքված հումքի եթերայուղի քիմիական կազմի բնույթը։ Առաջին անգամ կհետազոտվեն ՀՀ ֆլորայի Betonica, Lamium, Leonurus, Salvia ցեղերի ներկայացուցիչների էքստրակտների և եթերայուղերի կենսաքիմիական կազմը, հակաօքսիդանտային և հակասնկային ակտիվությունները:
Այսպիսով, կատարվող աշխատանքը կարող է հիմք դառնալ բուսական ծագման ոչ թունավոր և էկոլոգիապես մաքուր ֆունգիցիդ, հակաբորբոքային և հակատարիքային միջոցներ ստեղծելու համար, ինչը շատ կարևոր է ժամանակակից դեղագործության, գյուղատնտեսության, սննդի արտադրության և բուժական ու դեկորատիվ կոսմետոլոգիայի ոլորտների համար:
Օտարերկրյա գործընկեր
Միտեն-Օֆեր Անն-Կլեղ - գիտությունների թեքնածու (Ph.D.), Համի և սննդային վարքագծի կենտրոն, Ագրո ինստիտուտ, Բուրգունդիայի համալսարան
