Ընդհանուր տվյալներ
Արդիական է տարբեր նշանակության տարածքների՝ թանգարանների օդի միկոբիոտայի աղտոտվածության աստիճանի գնահատումը և թանգարանների ցուցանմուշների պահպանումը: Մանրադիտակային սնկերի մի շարք տեսակներ պայմանականորեն պաթոգեններ են և առաջացնում են միկոզներ, իսկ որոշ մասը միկոդեստրուկտորներ են և վնասում են ցուցանմուշները:
Այս նախագիծը նպատակ ունի գնահատելու Երևան քաղաքի թանգարանային որոշ տարածքների օդի միկոբիոտայի աղտոտվածության աստիճանը և մշակելու պայմանականորեն պաթոգեն սնկերի դեմ պայքարի արդյունավետ միջոցառումներ՝ հատուկ ուշադրություն դարձնելով բուսական ծագում ունեցող եթերայուղերի օգտագործմանը՝ որպես բնական հակասնկային միջոցներ:
Թանգարանների օդի միկոբիոտայի կազմում առկա միկրոմիցետների նույնականացման համար աշխատանքում կկիրառվեն ինչպես ավանդական (մորֆոկուլտուրալ), այնպես էլ մոլեկուլային մեթոդներ: Հետազոտվող տարածքների օդում սնկերի պաթոգեն տեսակների նույնականացումը և օդի աղտոտվածության աստիճանի գնահանումը հնարավորություն կտան բացահայտելու այդ տարածքներում աշխատող մարդկանց՝ միկոզներով վարակվելու հնարավոր հարակից ռիսկերը: Գնահատելով եթերայուղերի հակասնկային ակտիվությունը հայտնաբերված սնկատեսակների նկատմամբ՝ մենք հնարավորություն կունենանք առաջարկելու պայքարի անվտանգ միջոցներ:
Նախագծի նպատակն է ստեղծել անվտանգ և առողջ միջավայր թանգարանների այցելուների և անձնակազմի համար՝ պահպանելով թանգարանային նմուշները:
Օտարերկրյա գործընկեր
Կուրակով Ալեքսանդր Վասիլիի - կ.գ.դ., պրոֆեսոր, ՄՊՀ, ՌԴ
