Ընդհանուր տվյալներ
Նախագիծը համատեղելով ժամանակային ոսպնյակի հայեցակարգը սոլիտոնի և սիմիլարիտոնի կիրառությունների մոտեցման հետ, ուղղված է գերարագ օպտիկայի և ֆոտոնիկայի այնպիսի հրատապ խնդիրների լուծմանը, ինչպիսիք են՝ ֆեմտովայրկյանային ազդանշանի գեներացումը, ձևավորումը, հաղորդումը և բնութագրումը: Հետազոտությունների հիմնական նպատակն է լինելու ֆեմտովայրկյանային ժամանակային սանդղակում օպտիկական ազդանշանների անալիզի և սինթեզի նոր արդյունավետ մեթոդների մշակումն ու ներդրումը ժամանակակից գիտության և տեխնոլոգիայի լայն սպեկտրի՝ գերարագ օպտիկայի և սպեկտրոսկոպիայի, ֆեմտոքիմիայի, ֆեմտոկենսաբանության, բժշկության, լուսային ալիքի հաղորդման, տեղեկատվական տեխնոլոգիաների և այլ ոլորտների կարիքների համար: Ծրագրով նախատեսվող հետազոտությունները ներառում են հետևյալ խնդիր-առաջադրանքները, որոնք կարող են ծառայել նաև որպես ենթածրագրեր՝ սոլիտոնային սպեկտրալ ինքնասեղմում կոհերենտ և պատահականորեն մոդուլացված իմպուլսների համար, լայնաշերտ և նոր տիպի սիմիլարիտոնների գեներացում, սիմիլարիտոնային իմպուլսի սեղմում և իմպուլսի ձևավորում, ժամանակային ոսպնյակում սպեկտրալ սեղմում և աղմուկի ճնշում/զտում, ժամանակ-հաճախություն փոխակերպում և իմպուլսի սպեկտրաժամանակային արտապատկերում և սիմիլարիտոնի վրա հիմնված ինքնանեցուկ սպեկտրային ինտերֆերչափություն:
Օտարերկրյա գործընկեր
Մանսուրյան Տիգրան Գագիկի, XLIM, UNILIM (Լիմոժ)
