Դեղերի որակի հսկման և մոնիթորինգի գիտաուսումնական կենտրոն

ԵՊՀ ֆարմացիայի ինստիտուտի դեղերի որակի հսկման և մոնիթորինգի գիտաուսումնական կենտրոնը ստեղծվել է ՀՀ ԿԳՄՍ նախարարության կրթական ծրագրերի կենտրոնի կողմից իրականացվող «Կրթության բարելավում» վարկային ծրագրի՝ «Նորարարությունների մրցակցային հիմնադրամի» շրջանակում, Համաշխարհային բանկի կողմից ֆինանսավորված «14/19-CIF» դրամաշնորհի միջոցներով։ Ծրագրի և կենտրոնի գիտական ղեկավարը ՀՀ ԳԱԱ նախագահ, ակադեմիկոս Աշոտ Սաղյանն է:

Կենտրոնի պաշտոնական բացումը տեղի է ունեցել 2021 թ. նոյեմբերի 16-ին, իսկ նրա հենքի վրա 2021 թվականից Ֆարմացիայի ինստիտուտում գործում է Ֆարմքիմիայի և ֆարմակոգնոզիայի ամբիոնի առաջարկած «Դեղերի որակի վերահսկում» մագիստրոսական ծրագիրը:

Հավատարմագրման ոլորտը

1. Արտադրական ձեռնարկությունների ջրային ռեսուրսներ, հոսքաջրեր․ քիմիական տարրերի զանգվածային մասերի որոշում (Ag, Al, As, Ba, Bi, Ca, Cd, Co, Cr, Cu, Fe, K, Mg, Mn, Mo, Na, Ni, Pb, Se, Sr, Zn, V, Li) ԳՕՍՏ Ռ 57165-2016,

2. միաբաղադրիչ կամ բազմաբաղադրիչ դեղերի տարաբնույթ փորձարկումներ, 

3. ջրային ամոնիակ 2814 ԳՕՍՏ 3760-79 և ըստ ներկայացված ՍՓ-ի՝ ամոնիակի զանգվածային մաս ԳՕՍՏ 3760-79 (ՍՏ ՍԷՎ 3858-82 ) կետ 4.3, 

4. քլորամին 3808 ԳՕՍՏ 1692-85 և ըստ ներկայացված ՍՓ-ի՝ արտաքին տեսք ԳՕՍՏ 1692-85 կետ 4.2, ակտիվ քլորի զանգվածային մաս ԳՕՍՏ 1692-85 կետ 4.3, 

5. ջրածնի գերօքսիդ 2847 00 000 0 3004 ԳՕՍՏ 177-88 և ըստ ներկայացված ՍՓ-ի՝ արտաքին տեսք ԳՕՍՏ 177-88 կետ 3.2, ջրածնի գերօքսիդի զանգվածային մաս ԳՕՍՏ 177-88 կետ 3.3, ծծմբական թթվի զանգվածային մաս ԳՕՍՏ 177-88 կետ 3.4, քացախաթթվի զանգվածային մաս ԳՕՍՏ 177-88 կետ 3.4,

Մանրամասները՝ Հավատարմագրման ազգային մարմնի կայքէջում։

Գիտաուսումնական կենտրոնի վերլուծական փորձարկման լաբորատորիան հագեցած է ժամանակակից բարձր զգայունության և ճշտության վերլուծական սարքավորումներով

• Ինֆրակարﬕր սպեկտրոﬔտր IR Tracer-100, Shimadzu
• Իոնային քրոմատոգրաֆ, Knauer Azura
• Պոլյարիﬔտր, H 532 Polartronic, SCHMIDT+HAENSCH
• Ինդուկտիվ կապված պլազմայով օպտիկաէﬕսսիոն սպեկտրոﬔտր, ICP-OES 5800, Agilent
• Միկրոալիքային վառարան, Multiwave GO Plus, Anton Paar
• Բարձր արդյունավետության հեղուկային քրոմատոգրաֆ՝ համալրված դիոդ կաղապարային դետեկտորով, Waters Alliance System e2695
• Բարձր արդյունավետության հեղուկային քրոմատոգրաֆ՝ համալրված ռեֆրակտոﬔտրիկ դետեկտորով, Knauer Azura
• Բարձր արդյունավետության հեղուկային քրոմատոգրաֆ՝ համալրված մասս-սպեկտրոﬔտրիկ դետեկտորով, LCMS-2020 Prominence-i, Shimadzu
• Գազային քրոմատոգրաֆ՝ համալրված բոց-իոնիզացնող և էլեկտրոն կապող դետեկտորներով, GC TRACE 1310, Thermo Fisher
• Գազային քրոմատոգրաֆ՝ համալրված մասս-սպեկտրոﬔտրիկ դետեկտորով, TRACE 1610 ISQ 7610, Thermo Fisher
• Ուլտրամանուշակագույն սպեկտրոֆոտոﬔտր, Scilogex UV 1800
• Դեղահատերի մաշվելիության որոշման սարք, CS-1

Կենտրոնի լաբորատորիայի հնարավորությունները չեն սահմանափակվում միայն հավատարմագրման ոլորտում ընդգրկված փորձարկումներով։ 

Առաջարկվող այլ ծառայություններն են՝

• դեղերի և դեղահումքերի փորձաքննություն,
• վերլուծական ﬔթոդների վալիդացում, հաշվետվությունների կազմում,
• տարաբնույթ նմուշներում քիﬕական տարրերի զանգվածային մասերի որոշում,
• սննդի, ԿԱՀ-ի, բուսական հումքի և այլ մատրիցների փորձաքննություն,
• էկոլոգիական հետազոտություններ, մասնավորապես՝ շրջակա ﬕջավայրի տարբեր օբյեկտներում (հող, ջուր) ծանր ﬔտաղների, կայուն օրգանական աղտոտիչների,
  հակաբիոտիկների, հորմոնների և այլ ﬕացությունների քանակական որոշում,
• եթերայուղերի, ճարպաթթուների, շաքարների, սպիրտների, վիտաﬕնների քանակական և որակական վերլուծություն,
• բնական և սինթետիկ ﬕացությունների իսկության հաստատում,
• միացությունների քիﬕական և օպտիկական մաքրության գնահատում,
• նմուշների անիոնային և կատիոնային կազﬕ վերլուծություն,
• ոչ պարենային ապրանքների, խաղալիքների, ախտահանիչների, ալկոհոլային խﬕչքների փորձարկուﬓեր,
• հակամանրէային, հակասնկային, մանրէների հակաբիոտիկային կայունության ստուգում, մանրէների բնութագրում՝ մորֆոլոգիա, ֆիզիոլոգիա, կենսաքիﬕա, գենետիկական հետազոտություններ,
• միացությունների հակաօքսիդանտային և հակառադիկալային ակտիվության գնահատում,
• որակի կառավարման, վերահսկման, և գործիքային վերլուծության մասնագիտական վերապատրաստման տեսական և գործնական դասընթացներ։

Կենտրոնը համագործակցում է դեղագործական ընկերությունների, սննդի, հանքարդյունաբերության ոլորտի կազմակերպությունների, շրջակա ﬕջավայրի մշտադիտարկում կատարող կազմակերպությունների, գիտահետազոտական ինստիտուտների հետ։ 

Կենտրոնի վերլուծական փորձարկման լաբորատորիան իր գիտավերլուծական կարողություններով պատրաստ է նոր համագործակցությունների: