«Ուսում» հանրակրթական դպրոցի աշակերտների այցը ԵՊՀ պատմության ֆակուլտետ

Այցի ընթացքում Ուսանողական գիտական ընկերության անդամներն աշակերտների հետ միասին շրջեցին ֆակուլտետում և ներկայացրեցին վերջինիս կառուցվածքը:

Այնուհետև աշակերտների հետ հանդիպեց ֆակուլտետի դեկան պատմական գիտությունների դոկտոր, պրոֆեսոր Էդիկ Մինասյանը: Պարոն Մինասյանն  աշակերտներին ներկայացրեց Երևանի պետական համալսարանի հիմնադրման գործընթացն, ապա ֆակուլտետի կառուցվածքը, ծրագրերը և այլն:

Աշակերտները շրջեցին նաև ամբիոններով, հանդիպեցին Հայոց պատմության ամբիոնի վարիչ պատմական գիտությունների դոկտոր, պրոֆեսոր Արտակ Մովսիսյանի, Հնագիտության և ազգագրության ամբիոնի վարիչ պատմական գիտությունների դոկտոր, պրոֆեսոր Հայկ Ավետիսյանի հետ:

Այնուհետև աշակերտները շրջեցին հնագիտության լաբորատորիայում, որտեղ Հնագիտության և ազգագրության ամբիոնի դասախոս պատմական գիտությունների թեկնածու, դոցենտ Արտակ Գնունին ներկայացրեց հնագիտական վերջին հետազոտությունների արդյունքները:

Աշակերտները նաև այցելեցին ֆակուլտետի ՈւԳԸ և ՈւԽ սենյակ, որտեղ ֆակուլտետի ՈւԽ նախագահ Լևոն Սահակյանը և ֆակուլտետի ՈւԳԸ նախագահ Սիրանուշ Բաղումյանը ներկայացրեցին ուսանողական կառույցների կառուցվածքը և ծրագրերը:

Հեղինակ` Անի Նիկողոսյան