«Ընդհանուր և բժշկական կենսաքիմիա» կրթական ծրագիր
Ծրագրի անվանումը |
Ընդհանուր և բժշկական կենսաքիմիա |
Ուսման տևողությունը |
2 տարի, 120 ECTS կրեդիտ |
Շնորհվող որակավորումը |
Կենսաբանության մագիստրոս |
Ուսումնառության լեզուն |
Հայերեն |
Ուսուցման ձևը |
Առկա |
Ուսման վարձը |
500 000 ՀՀ դրամ տարեկան |
Ընդունելությունը.
Ծրագրի դիմորդը պետք է ունենա բակալավրի դիպլոմ բնագիտական որևէ մասնագիտությամբ և հանձնի “ընդհանուր կենսաբանություն և կենսաքիմիա” մասնագիտության քննություն:
Ընդունելությունը կատարվում է համաձայն ԵՊՀ մագիստրատուրայի ընդունելության կարգի։
Տես նաև՝ http://www.ysu.am/entrant/hy/1372846047
Ծրագրի նպատակն է.
պատրաստել կենսաքիմիայի և ընդհանուր բժշկության մասնագիտական ոլորտներում հիմնարար տեսական և գործնական գիտելիքներով և հմտություններով օժտված մասնագետներ, ովքեր ունակ են իրականացնել մասնագիտական գործունեություն կենսաքիմիական, կլինիկական-լաբորատոր, բուժական-ախտորոշիչ, իմունոլոգիական և բժշկա-գենետիկական ոլորտներում, ինչպես նաև գիտահետազոտական հաստատություններում:
Ծրագրի կրթական վերջնարդյունքները.
Այս ծրագրի հաջող ավարտին ուսանողն ունակ կլինի.
Մասնագիտականգիտելիք և իմացություն.
- Նկարագրել օրգան համակարգերում ֆերմենտների ակտիվության կարգավորման և տարբեր լիգանդների հետ փոխազդեցության հնարավոր մոլեկուլային մեխանիզմները:
- Լուսաբանել նյութափոխանակության կարգավորման սկզբունքները, ձևակերպել նյութափոխանակային ուղիների կառուցվածքը ախտաբանական տարբեր վիճակներում:
- Բացատրել առանձին քիմիաթերապևտիկ միջոցների, քսենոբիոտիկների ազդեցությունը օրգանիզմի վրա:
- Ձևակերպել մանրէների կենսաքիմիական առանձնահատկությունները՝ կապված կենսատեխնոլոգիայի ժամանակակից խնդիրների լուծման հետ:
Գործնական մասնագիտական կարողություններ.
- Իրականացնել կլինիկական նշանակություն ունեցող միացությունների հայտնաբերում և փոփոխության դինամիկայի ուսումնասիրություն տարբեր ախտաբանական վիճակներում և տարբեր սթրեսային գործոնների ազդեցությամբ:
- Վերլուծել ֆարմակաթերապիայի տարիքային առանձնահատկությունները և գնահատել օրգանիզմում ընթացող կենսաքիմիական գործընթացները բնականոն և ախտաբանական վիճակներում:
- Օգտագործել կենսաքիմիական ցուցանիշները բուսական մթերքի որակն ու անվտանգությունը գնահատելու համար:
- Իրականացնել գիտահետազոտական և փորձարարական աշխատանքներ կենսաբանական տարբեր օբյեկտների հետ, մշակել հետազոտությունների արդյունքները վիճակագրական վերլուծությամբ և ներկայացնել հաշվետվությունների ու գիտական տպագրությունների ձևով։
Ընդհանրական (փոխանցելի) կարողություններ.
- Ներկայացնել մասնագիտական արդի հիմնախնդիրների լուծման հնարավորությունները և տարբեր մեթոդների նպատակահարմարությունը կենսաքիմիական ուսումնասիրությունների ընթացքում, ինչպես նաև ներկայացնել գիտական հաղորդումներ և զեկուցումներ, վարել գիտական բանավեճեր:
- Վերլուծել փաստերը և տալ նոր առաջարկներ, ստացված գիտելիքները օգտագործել ինչպես գիտակրթական հաստատություններում, այնպես էլ` բժշկական և արդյունաբերական հաստատություններում և նախագծել բիզնես առաջարկներ:
Ուսումնական պլանը.
Ծրագրի ուսումնական պլանը հասանելի է հետևյալ հղմամբ. www.ysu.am
Շրջանավարտների ապագա կարիերայի հնարավորությունները.
Ծրագրի շրջանավարտները կարող են աշխատանքի անցնել գյուղատնտեսության, առողջապահության, սննդի և քիմիական արդյունաբերության, նաև կրթության ոլորտներում, մասնավորապես`բժշկական կլինիկաների կենսաքիմիական լաբորատորիաներում, դեղեր արտադրող գործարաններում, մթերքների կամ ապրանքների որակի ապահովման կամ վերահսկման և կենսաբանական մշտադիտարկման ծառայություններում, փորձագիտական կազմակերպություններում, գիտահետազոտական լաբորատորիաներում` զբաղեցնելով հետևյալ պաշտոնները.
- Կլինիկական լաբորատորիաներում՝ որպես գիտաշխատող, բժիշկ-կենսաքիմիկոս, թեմայի ղեկավար, լաբորատորիայի ղեկավար, աշխատող խմբի ղեկավար։
- Դեղեր արտադրող գործարաններում, մթերքների կամ ապրանքների որակի ապահովման կամ վերահսկման և կենսաբանական մշտադիտարկման ծառայություններում
- Փորձագիտական կազմակերպություններում՝ որպես կենսաքիմիկոս, փորձագետ, լաբորատորիայի ղեկավար, ծառայության ղեկավար, խորհրդատու և այլն:
- Գիտահետազոտական ինստիտուտներում՝ որպես գիտաշխատող, թեմայի ղեկավար, լաբորատորիայի ղեկավար, աշխատող խմբի ղեկավար։
Շրջանավարտների հնարավոր աշխատավայրեր.
- ՀՀ ԳԱԱ ինստիտուտներ (Մոլեկուլային կենսաբանության ինստիտուտ, Կենսաքիմիայի ինստիտուտ, Օրգանական և դեղագործական քիմիայի գիտաարտադրական կենտրոն և այլն):
- ՀՀ առողջապահության, գյուղատնտեսության, բնապահպանության նախարարություններ և դրանց ենթակա կազմակերպություններ:
- Կլինիկական և արդյունաբերական ձեռնարկությունների լաբորատորիաներ, դեղեր արտադրող կազմակերպություններ, մթերքների կամ ապրանքների որակի ապահովման կամ վերահսկման և կենսաբանական մշտադիտարկման լաբորատորիաներ և ծառայություններ:
- ԵՊՀ կենսաբանության ֆակուլտետ և այլ բուհերի համապատասխան ամբիոններ։
![](https://www.ysu.am/uploaded/YK4.jpg)
Տարբեր միջազգային կազմակերպություններ (World Wide Fund for Nature (WWF), United States Agency for International Development (USAID), Philip Morris International Science (PMI Science), Foundation for Armenian Science and Technology (FAST)):
Ուսումնառության օժանդակության ռեսուրսները և ձևերը.
Ծրագիրն իրականացնում է «Կենսաքիմիայի, մանրէաբանության և կենսատեխնոլոգիայի ամբիոնը»՝ նորաստեղծ «Մանրէաբանական կենսատեխնոլոգիաների և կենսավառելիքի նորարարական կենտրոնի» հետ համատեղ, որոնք համալրված են նորագույն սարքավորումներով, քիմիական ռեակտիվներով և պարագաներով, ինչպես նաև ժամանակակից համակարգչային տեխնիկայով։ Ամբիոնի հիմնական դասախոսական կազմը վերապատրաստվել է ԱՄՆ-ի, Գերմանիայի, Ֆրանսիայի, Իսպանիայի, Նորվեգիայի, Բուլղարիայի և Ռուսաստանի առաջատար բուհերում։
Ուսանողների ուսումնառությանը օժանդակում են ԵՊՀ գրադարանում առկա հարուստ գրականությունը՝ այդ թվում վերջին տարիներին հրատարակված ուսումնամեթոդական ձեռնարկները, ինչպես նաև ամբիոնում գործող միջազգային փոխանակման 2 կրթական ծրագրերը՝ Գերմանիայի և Նորվեգիայի համալսարանների հետ, պետական թեմատիկ ֆինանսավորմամբ հետազոտական խմբերը և արտասահմանյան դրամաշնորհներով ֆինանսավորվող գիտահետազոտական ծրագրերը, որոնցում ընդգրկվում են նաև ուսանողները:
Ծրագրի իրականացմանն օժանդակում է նաև նորագույն սարքավորումներով զինված «Մանրէաբանական կենսատեխնոլոգիաների և կենսավառելիքի նորարարական կենտրոնը»:
Կենտրոնի մասին մանրամասն տես հետևյալ հղմամբ՝
Շրջանավարտների կարծիքները ծրագրի մասին:
Կտեղադրվեն տեսահոլովակներ, կամ հակիրճ նյութեր շրջանավարտների կարծիքների վերաբերյալ: