Մայիս 08, 2023 | 19:50
Գիտություն
Կրթություն
ԵՊՀ պատվավոր պրոֆեսոր Յուրի Հովհաննիսյանը դասախոսություն կարդաց համալսարանում
ԵՊՀ պատվավոր պրոֆեսոր, լեգենդար գիտնական, Ռուսաստանի ԳԱ իսկական անդամ, ՀՀ ԳԱԱ արտասահմանյան անդամ, Մենդելեևի աղյուսակը վեց տարրով համալրած ակադեմիկոս Յուրի Հովհաննիսյանի դասախոսությունը վերաբերում էր գերծանր միջուկներին և դրանց սինթեզման մեթոդներին:
Յու. Հովհաննիսյանը, դասախոսության սկզբում ներկայացնելով աշխատանքային 65 տարիները, անդրադարձավ գերծանր միջուկների սինթեզմանը, ապա խոսեց իր առաջարկած այն մեթոդների մասին, որոնք այսօր կիրառվում են ամբողջ աշխարհում:
Դասախոսությունից հետո Յու. Հովհաննիսյանը պատասխանեց քննարկվող թեմային առնչվող, ինչպես նաև իր կյանքի հետաքրքիր դրվագներին վերաբերող հարցերի:
Այնուհետև գիտնականը ներկա գտնվեց Դուբնայի միջուկային հետազոտությունների միացյալ ինստիտուտի՝ ԵՊՀ-ում գործող տեղեկատվական կենտրոնի կազմակերպած ցուցահանդեսին, որտեղ ներկայացված էին ինստիտուտի գիտակրթական ծրագրերը, գիտական խմբերի կողմից ծավալվող գործունեությունը և այլն:
Նշենք, որ տեղեկատվական կենտրոնը բացվել է Դուբնայի միջուկային հետազոտությունների միացյալ ինստիտուտի և Ա. Ի. Ալիխանյանի անվան ազգային գիտական լաբորատորիայի միջև ստորագրված եռակողմ համագործակցության համաձայնագրի շրջանակում:
Տեսանյութ
