Մայիս 15, 2023 | 20:37
Թանգարան
ԵՊՀ պատմության թանգարանը համալրվում է նոր հավաքածուներով
Երևանի պետական համալսարանի պրոֆեսոր Լ. Ղարիբջանյանի անվան պատմության թանգարանը Հայաստանի Հանրապետությունում գործող բուհական առաջին, ամենամեծ և ցուցանմուշներով ամենահարուստ թանգարանն է:
Թանգարանի ցուցադրությունը ներկայացնում է ԵՊՀ կազմավորման և կայացման ընթացքը, անվանի համալսարանականներին, ինչպես նաև համալսարանի մասնակցությունն ու արձագանքը Հայաստանի համար կարևորագույն իրադարձություններին։
Իր գոյության 60 տարիների ընթացքում թանգարանը շարունակաբար համալրվում է համալսարանին և Հայաստանում բարձրագույն կրթության զարգացմանը վերաբերող բազմաթիվ նյութերով (լուսանկարներ, անձնական իրեր, արժեքավոր փաստաթղթեր, հնագիտական ու ազգագրական նմուշներ, կերպարվեստի գործեր, անվանի նկարիչների ստեղծած գեղանկարներ, ԵՊՀ երախտավորների դիմանկարներ, ինչպես նաև ընծայագրերով գրքեր, տեխնիկական սարքեր և այլն):
ԵՊՀ պատմության թանգարանում հնարավոր է ծանոթանալ նաև Հայաստանում բարձրագույն կրթության ձևավորման ընթացքին և ԵՊՀ համապատասխան ֆակուլտետների հիմքի վրա հանրապետությունում ստեղծված բուհերի մեծ մասի տարեգրությանը:
Թանգարանը պարբերաբար կազմակերպում է ժամանակավոր և շրջիկ թեմատիկ ցուցադրություններ, ճանաչողական դաս-էքսկուրսիաներ, կլոր սեղան-քննարկումներ և տարաբնույթ այլ միջոցառումներ:
Մանրամասները՝ տեսանյութում:
Տեսանյութ
