Հայտնի են ԵՊՀ առկա ընդունելության մրցույթի արդյունքները

Երևանի պետական համալսարանի 2023-2024 ուստարվա առկա ուսուցմամբ ընդունելության հիմնական փուլի մրցույթի արդյունքներով ԵՊՀ է ընդունվել 2156 ուսանող, որից 454-ը՝ անվճար, իսկ 1702-ը՝ վճարովի հիմունքով։ Թափուր է մնացել 349 տեղ, որից 41-ը՝ անվճար, իսկ 308-ը՝ վճարովի։

Անվճար հիմունքով ընդունելության մրցույթի արդյունքները 

Վճարովի հիմունքով ընդունելության մրցույթի արդյունքները

Արտոնությամբ ընդունվածների անվանացանկը

ԵՊՀ ընդունելության գործընթացին վերաբերող ամբողջական տեղեկությունը հասանելի է ԵՊՀ պաշտոնական կայքէջի «Ընդունելություն» բաժնում։

Լրացուցիչ (թափուր) փուլի մրցույթի համար ընդունելության դիմում-հայտը «dimord.am» կայքէջի միջոցով անհրաժեշտ է ԳԹԿ ուղարկել էլեկտրոնային (առցանց) եղանակով ս.թ. հուլիսի 19-ից մինչև հուլիսի 26-ը ներառյալ, հուլիսի 26-ին՝ մինչև ժամը 18։00-ն:

Հիշեցնենք, որ 2022-2023 ուստարում Երևանի պետական համալսարանի դիմորդները 2923-ն էին, որոնցից ընդունվել էին 2354-ը։ Նախորդ ուստարում թափուր էր մնացել 827 տեղ։

Տեղեկացնենք, որ Երևանի Ավան վարչական շրջանում՝ Ծարավ Աղբյուրի նորակառույց թաղամասում, գործում է ԵՊՀ ուսանողական հանրակացարանը, որտեղ ստեղծված են բոլոր պայմանները ԵՊՀ ուսանողների հարմարավետ և մատչելի կեցությունն ապահովելու համար:

Ուսանողական հանրակացարանի վերաբերյալ մանրամասներին հնարավոր է ծանոթանալ՝ այստեղ։