ԵՊՀ աղջիկների թիմը ճանաչվել է ՀՀ ուսանողական մարզական 24-րդ խաղերի՝ վոլեյբոլի առաջնության հաղթող
Ս.թ. նոյեմբերի 6-15-ը Հայաստանի պետական տնտեսագիտական համալսարանում անցկացվեց ՀՀ ուսանողական մարզական 24-րդ խաղերի՝ վոլեյբոլի միջբուհական առաջնությունը:
![](/sites/default/files/styles/large_slide/public/2023-11/img_2123.jpg?h=c48b9188&itok=YaPE5UIi)
Աղջիկների մրցաշարին մասնակցում էին Երևանի պետական համալսարանի, Խաչատուր Աբովյանի անվան հայկական պետական մանկավարժական համալսարանի, Հայաստանի ամերիկյան համալսարանի, Հայաստանի պետական տնտեսագիտական համալսարանի, Վ. Բրյուսովի անվան պետական համալսարանի, Հայ-ռուսական համալսարանի, Պոլիտեխնիկական համալսարանի և Հայաստանի ֆիզիկական կուլտուրայի և սպորտի պետական ինստիտուտի՝ վոլեյբոլի՝ աղջիկների թիմերը:
![](/sites/default/files/styles/large_half_text/public/2023-11/img_2130.jpg?itok=IFc9f095)
Թեժ մրցապայքարում ցուցադրելով գեղեցիկ խաղ և գերազանցելով մրցակիցներին՝ ԵՊՀ հավաքական թիմը գրավեց առաջին պատվավոր հորիզոնականը:
Նշենք, որ հավաքական թիմի մարզիչն է ԵՊՀ ֆիզիկական դաստիարակության և սպորտի ամբիոնի դասախոս Կարեն Շահբազյանը:
Շնորհավորում ենք մեր մարզիկներին և մաղթում նորանոր նվաճումներ: