ԵՊՀ-ի և Մալթայի համալսարանի համագործակցության ամրապնդում

Տեղեկատվությամբ հագեցած հանդիպումը ինտերակտիվ բնույթ ուներ՝ հիմնված պրակտիկ օրինակների վրա, ինչի արդյունավետությունն իրենց գոհունակությամբ փաստեցին դասին ներկա ուսանողները:

Դասախոսության շրջանակում, որին մասնակցում էին 2-րդ և 3-րդ կուրսերի ուսանողները, հրավիրյալ դասախոսն անդրադարձավ բաժնետոմսերի վրա հիմնված վճարման գործարքներին, վերջիններիս հաշվառման առանձնահատկություններին և հաշվապահական հաշվառման ստանդարտներին:

Ջասթին Կիրկոպը ներկայացրեց նաև Մալթայի համալսարանը և տնտեսությունը։ 

Մալթայի համալսարանն աչքի է ընկնում իր մատուցած բարձրորակ կրթությամբ: Այն Համալսարանների միջազգային ասոցիացիայի («Association of International Educators, NAFSA») և «CIEE»-ի («Council for International Educational Exchange») անդամ է։ 

ԵՊՀ տնտեսագիտության և կառավարման ֆակուլտետի դեկան, դոցենտ Կառլեն Խաչատրյանը հանդիպմանն ընդգծեց փոխադարձ հետաքրքրություններով պայմանավորված միջազգային գործընկերության ընդլայնման և ֆակուլտետում այսօրինակ հանդիպումների անցկացման կարևորությունը: 

Հանդիպմանը մասնակցեց նաև Տնտեսագիտության և միջազգային տնտեսական հարաբերությունների ամբիոնի վարիչ, միջազգային կապերի պատասխանատու, դոցենտ Գրիգոր Հայրապետյանը:

Այցի շրջանակում Ջասթին Կիրկոպը հանդիպեց նաև Ֆինանսահաշվային ամբիոնի պրոֆեսորադասախոսական համակազմի ներկայացուցիչներին:

Քննարկվեցին երկկողմ և բազմակողմ ձևաչափերով նոր համագործակցության հնարավորություններն ու հեռանկարները։