Մարտ 25, 2022 | 10:30
Կրթություն
Գիտություն
Ուսանողական
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐՆ ԱՄՓՈՓԵՑԻՆ «ԻՐԱՎԱՍՏԵՂԾՈՒՄ ԵՆ ՈՒՍԱՆՈՂՆԵՐԸ» ԾՐԱԳՐԻ ԱՌԱՋԻՆ ՓՈՒԼԸ
ԵՊՀ իրավագիտության ֆակուլտետում կայացավ ՈՒԽ նախաձեռնած «Creation and law» («Իրավաստեղծում են ուսանողները») ծրագրի առաջին փուլի վերջին դասընթացը:
«Creation and law» ծրագիրը բաղկացած էր 5 դասընթացից, որոնցից յուրաքանչյուրն ուսանողներին տվեց նոր գիտելիքներ և ընձեռեց մասնագիտական կարողությունները զարգացնելու հնարավորություն:
Վերջին դասընթացի շրջանակում իրավագիտության ֆակուլտետի դոցենտ Տարոն Սիմոնյանն ուսանողներին փուլ առ փուլ ներկայացրեց իրավունքի հայտնաբերման և իրավունքն օրենքի վերածելու գործընթացը:
Ֆակուլտետի ՈՒԽ նախագահ Գոհար Ավագյանը, անդրադառնալով դասախոսության կարևորությանը, ասաց. «Այս փուլում ուսանողները ձեռք բերեցին իրավական հետազոտություններ անելու, վիճակագրական տվյալների հավաքագրման և իրավական ակտերի նախագծերի մշակման հմտություններ, ինչպես նաև ծանոթացան իրավաստեղծարարության փուլերին»։
Հանդիպման ավարտին կազմակերպվեց քննարկում, և ամփոփվեց ծրագրի առաջին փուլը:
