Հունիս 13, 2019 | 17:34
Մշակույթ
«ԱՆԿԱԽՈՒԹՅԱՆ ՍԵՐՆԴԻ ՁԱՅՆԸ» ԽՈՐԱԳՐՈՎ ՄՐՑՈՒՅԹ-ՓԱՌԱՏՈՆԸ . ՕՐ 4-ՐԴ
ԵՊՀ մշակույթի կենտրոնում ավարտին է մոտենում երիտասարդ ստեղծագործողների մշակութային մրցույթ-փառատոնը՝ նվիրված ԵՊՀ հիմնադրման 100-ամյակին:
Հունիսի 10-ից 14-ը ԵՊՀ մշակույթի կենտրոնում անցկացվող «Անկախության սերնդի ձայնը» խորագրով մրցույթ-փառատոնը կազմակերպվել է ԵՊՀ մշակույթի կենտրոնի կողմից և ընդգրկում է մի շարք միջոցառումներ, այդ թվում՝ դասախոսություններ:
Մրցույթի նախավերջին օրը՝ հունիսի 13-ին, փառատոնի մասնակիցները հանդես եկան երաժշտական կատարումներով, ներկայացրին ինչպես հայ և համաշխարհային երաժշտական հայտնի կատարումները, այնպես էլ սեփական գործիքավորմամբ ստեղծված երգերը:
Ժյուրիի կազմում էին ՀՀ արվեստի վաստակավոր գործիչ Արամ Սաթյանը, Արթուր Հակոբյանը և հայ էստրադային երգիչ Էրիկը:
Մրցույթ-փառատոնի ավարտին մասնակիցները ստացան հավաստագրեր, ինչպես նաև ժյուրիի որոշմամբ հայտարարվեցին երգի, գործիքային և կոմպոզիտորական մրցույթում հաղթած ուսանողների անունները: 
Հիշեցնենք, որ վաղը՝ հունիսի 14-ին, տեղի կունենան մրցույթի փակման և գրական մրցույթին մասնակցած ուսանողների հավաստագրերի հանձնման արարողությունները:
ԵՊՀ ուսանողուհու կատարումը՝ նվիրված ԵՊՀ 100- ամյակին:
