ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐՆ ԱՅՑԵԼԵԼ ԵՆ ՀՀ ԱԶԳԱՅԻՆ ԺՈՂՈՎ
Պետության և իրավունքի տեսության ու պատմության ամբիոնի կողմից կազմակերպված միջոցառման շրջանակում ԵՊՀ իրավագիտության ֆակուլտետի ուսանողները հունիսի 18-ին այցելել են ՀՀ Ազգային ժողով:
![Students-of-the-faculty-of-Law-visited-NA](/sites/default/files/styles/large_slide/public/migrated/images/soitnfpckkTq04HakAHv8RgMg4.jpg?h=bccd1fa5&itok=MNguav9a)
Այցելության ընթացքում ապագա իրավաբանները հետևել են ԱԺ նիստերի աշխատանքին, ծանոթացել խորհրդարանական առօրյային, այցելել թանգարան:
ԱԺ-ում ՀՀ ԱԺ «Լուսավոր Հայաստան» խմբակցության պատգամավոր, Իրավագիտության ֆակուլտետի դասախոս Տարոն Սիմոնյանն ուսանողների հետ անցկացրել է բաց դաս, որն ընթացել է հարցուպատասխանի ձևաչափով:
Տարոն Սիմոնյանն ուսանողներին ներկայացրել է Ազգային ժողովի կառուցվածքն ու գործունեությունը, անդրադարձել օրենսդրական նախաձեռնությունների շրջանառության կարգին: Նա պատասխանել է ուսանողների բազմաթիվ հարցերին, որոնք մասնավորապես վերաբերել են իրավագիտությանը, Հայաստանի ներքին և արտաքին քաղաքականությանը:
Կազմակերպիչների հավաստմամբ, այցն ունեցել է ճանաչողական բնույթ և նպաստել ուսանողների հմտությունների զարգացմանը, տեսական գիտելիք-գործնական աշխատանք կապի առավել հստակ պատկերացմանը:
Պատրաստեց Քնար Միսակյանը