Մարտ 10, 2023 | 15:43
Գիտություն
Կրթություն
ԵՊՀ-Ն՝ «ԴԻՋԻԹԵՔ-2022»-Ի ՄԱՍՆԱԿԻՑ
Երևանի Կ․ Դեմիրճյանի անվան մարզահամերգային համալիրում մեկնարկել է «ԴիջիԹեք-2022» ցուցահանդեսը, որին ներկայացուցչական տաղավարով մասնակցում է նաև Երևանի պետական համալսարանը:
Մարտի 10-12-ն անցկացվող ցուցահանդեսի նպատակն է ցույց տալ Հայաստանի տեխնոլոգիական ոլորտի ձեռքբերումներն ու զարգացման ներուժը:
Ցուցահանդեսին մասնակցում են նաև ԵՊՀ կենսաբանության, մաթեմատիկայի և մեխանիկայի, քիմիայի, փիլիսոփայության և հոգեբանության ֆակուլտետները, ֆարմացիայի և ֆիզիկայի ինստիտուտները, «AI Lab» արհեստական բանականության լաբորատորիան՝ ներկայացնելով նշյալ ոլորտում իրենց գրանցած վերջին նվաճումները։
«Հայաստանի տեխնոլոգիական ապագան» ծրագրի տաղավարում (ԵՊՀ-ն ծրագրի խորհրդի անդամ է) համալսարանականները ներկայացնում են նաև ԵՊՀ ՍԹԵՄ դպրոցը՝ պատասխանելով այցելուներին հետաքրքրող հարցերին։
Նշենք, որ Առաջատար տեխնոլոգիաների ձեռնարկությունների միությունը (ԱՏՁՄ) 2005 թվականից ի վեր կազմակերպում է «ԴիջիԹեք» տարածաշրջանի ամենամեծ տեխնոլոգիական ցուցահանդեսը, որին մասնակցում են տեղական ու միջազգային, փորձառու և սկսնակ բազմաթիվ կազմակերպություններ:
