ՀՀ-ում ԱՄՆ դեսպանության հասարակայնության հետ կապերի գրասենյակի հովանու ներքո գործող կրթամշակութային ծրագրերի բաժնի և ԵՊՀ եվրոպական լեզուների և հաղորդակցության ֆակուլտետի միջմշակութային հաղորդակցության ամբիոնի նախաձեռնությամբ կազմակերպվել է «Yerevan TESOL: A Course for Teachers of English» խորագրով դասընթացների շարք՝ նախատեսված ԵՊՀ-ում և ՀՀ այլ բուհերում անգլերենը որպես օտար լեզու դասավանդող դասախոսների համար:
Դասընթացները կվարեն ԵՊՀ-ում և Վ. Բրյուսովի անվան պետական համալսարանում ԱՄՆ կառավարության «English Language Fellow» ծրագրի շրջանակում անգլերեն դասավանդող հմուտ դասախոսներ Կիրի Մանուկինը և Ջուլի Սարրիսը:
Գործնական պարապմունքների ընթացքում անգլերեն դասախոսները կզարգացնեն դասի պլանավորման, ինչպես նաև բառապաշարի, գրավոր և բանավոր խոսքի դասավանդման իրենց հմտությունները: Նրանք կհարստացնեն նաև մեդիագրագիտության գիտելիքները, կծանոթանան ուսումնական նախագծերի օգնությամբ անգլերենի դասավանդման առավելություններին:
Դասընթացի ավարտին ԱՄՆ դեսպանատան կողմից մասնակիցներին կշնորհվեն հավաստագրեր:
Դասընթացի մեկնարկը տրված է: Մասնակիցներին մաղթում ենք հաջողություն:
