Դեղամիջոցների ազդեցության կենսաքիմիայի խումբ

Դեղամիջոցների ազդեցության կենսաքիմիա գիտական խումբը զբաղվում է տարաբնույթ դեղամիջոցների (այդ թվում՝ հակաքաղցկեղային և հակաբորբոքային) ազդեցության կենսաքիմիական մեխանիզմների ուսումնասիրությամբ՝ տարբեր սեռի և տարիքի առնետների լյարդի, ուրցագեղձի, թոքի, երիկամների, ուղեղի, կրծքագեղձի և ենթաստամոքսային գեղձի հյուսվածքի բջջակորիզներում, արյան և պլազմայի բջիջներում։ Գիտական խմբի հետազոտությունների նպատակը և խնդիրներն են. 

• Ուսումնասիրել կորիզային ֆերմենտ ՊԱՌՊ 1-ի ակտիվության, քրոմատինի փաթեթավորման աստիճանի, ՆԱԴ+ի քանակական պարունակության վրա դեղամիջոցների ազդեցության առանձնահատկությունները ինչպես առողջ, այնպես էլ քաղցկեղով և շաքարային դիաբետով (հիպերգլիկեմիա) առնետների համապատասխան հյուսվածքների կորիզներում։ 

• Հետազոտել որոշ հակաօքսիդիչ ֆերմենտների ակտիվության վրա հակաքաղցկեղային դեղամիջոցների և տարբեր ստերոիդների առանձին և համատեղ ազդեցության հետ կապված օրինաչափությունները, գլուտաթիոնի քանակի որոշումը հակաքաղցկեղային դեղամիջոցների և տարբեր ստերոիդների առանձին և համատեղ ազդեցությունից հետո, հակաօքսիդիչ ֆերմենտ գլուտաթիոն պերօքսիդազի ակտիվության առանձնահատկությունները առնետների արյան պլազմայում և տարբեր հյուսվածքներում։

Աշխատակիցներ
1. Անուշ Լևոնի Ասատրյան 
2. Ագապի Գևորգի Հովհաննիսյան
3. Ժենյա Վաղինակի Յավրոյան 
4. Նունե Ռոմենի Հակոբյան