ԵՊՀ հանրակացարանը վերանորոգվել է 2019 թ.: Այն ունի 125 սենյակ, որից 66-ը՝ 1-սենյականոց, 47-ը՝ 2-սենյականոց, 8-ը՝ 3-սենյականոց, 4-ը՝ 4-սենյականոց: Սենյակները կահավորված են և հարմարավետ, ունեն սանհանգույց, ջեռուցում, գործում է 10 խոհանոց, որոնք ապահովված են անհրաժեշտ կենցաղային սարքավորումներով (սառնարան, գազօջախ, թեյնիկ, միկրոալիքային վառարան և այլն):

Հանրակացարանում պահպանվում են անվտանգության կանոնները, ապահովված է տրանսպորտի հասանելիությունը:

Հանրակացարանում ժամանակավոր կացության վերաբերյալ դիմումներն անհրաժեշտ է ներկայացնել հանրակացարանի ադմինիստացիային, իսկ օտարերկրյա ուսանողները հնարավորություն ունեն դիմումներն ուղարկելու dormitory@ysu.am էլհասցեին:

Դիմում ներկայացնելու հնարավորություն ունեն ինչպես ԵՊՀ, այնպես էլ այլ բուհերի ուսանողներ, սակայն այլ բուհերի ուսանողներին ուսանողական հանրակացարանում սենյակ կհատկացվի ԵՊՀ ուսանողների կացությունն ապահովելուց հետո՝ թափուր տեղերի առկայության դեպքում:

Դիմումը հաստատելուց հետո ուսանողի հետ կնքվում է ծառայությունների վճարովի մատուցման պայմանագիր՝ մինչև ուսումնական տարվա ավարտը ժամկետով:

Տեղեկացնենք, որ ԵՊՀ ուսանողական հանրակացարանում մեկ անձի կացության և կենցաղի սպասարկման ամսական վճարը կազմում է՝

60 000 ՀՀ դրամ մեկտեղանոց սենյակում,
45 000 ՀՀ դրամ երկտեղանոց սենյակում (31 սենյակ, 24 քմ),
40 000 ՀՀ դրամ երկտեղանոց սենյակում (16 սենյակ, 21 քմ),
35 000 ՀՀ դրամ երեքտեղանոց սենյակում,
30 000 ՀՀ դրամ չորստեղանոց սենյակում,
7000 ՀՀ դրամ գիշերակաց մեկտեղանոց սենյակում,
10 000 ՀՀ դրամ գիշերակաց երկտեղանոց սենյակում։

Գումարը ներառում է ՀՀ օրենսդրությամբ սահմանված հարկերը:

Հասցե՝ ք․ Երևան, Ծարավ Աղբյուրի 55/5
Հեռախոս՝ (+374 60) 710 711